شخباركم يا جماعة الخير ……. عساكم مرتاحين ..
اسمحيلي أم هند تأخرت عليج لكن المشاغل و الظروووووووووف …
و هذا الجدول جاهز .. و الشكر موصول لأختنا العضوة أحـــبـMـــك لترتيبها هالجدول الحلوو …. لأني انا كنت طالبتنه منها على اساس بزور باريس الشهر الجاي ان شاء الله .. و بالصدفة طلبته مني ام هند 
تفضلي الجدول .. و كل من يرغب طبعا …
..: : اليوم الاول : :..
* "افتراض الوصول ظهرا": أخذ قسط من الراحة في الفندق بعد الوصول ، ساعتين لا أكثر.
* عصرًا : تركبون الباص السياحي وتلفون الاماكن السياحيه كلها في ساعتين بس كاستكشاف المناطق السياحيه تنزلون كنيسه نوتردام وتتصور وتردون تركبون الباص تاخذون لفه لين يخلص وفليل تردون شارع الشانز وتتمشون وتشترون التذاكر السياحيه لديزني وبرج ايفل وبعدين الفندق ورقاد ..
..: : اليوم الثاني : :..
* صباحا & ظهرا & عصرا : الاستيقاظ ، الفطور في الفندق الساعه 10 تروحون قوس النصر وتركبونه وتتصورون من فوق وعقب تاخذون تكسي للغاليري لافيت وتتمشون فيه لين الساعه 3 الظهر تطلعون تتمشون في منطقه الاوبرا وتتغدون في أي مطعم وعقب ع طول تسيرون بالتاكسي برج ايفل تركبون برج ايفل وتتصورون وتخلصون وتسيرون القارب في نهر السين وتركبونه بيكون حل الليل بيردكم بتيلسون ع نهر السين وتشوفون برج ايفل لين الليل وعقب تمشو لين الفندق لان بيكون قريب لاتركبون تكسي تمشو حلات شوارع باريس فليل بتوصلون الشانز بتتعشون وبتردون الفندق ترقدون
..: : اليوم الثالث : :..
* صباحا & ظهرا & عصرا & مساء : الاستيقاظ باكرًا ، الفطور في الفندق ، التوجه الى محطة رير ثم التوجه لديزني لاند والعودة آخر اليوم.
(( اذا تحبون التسوق في قرية لافيلاج " قرية الماركات المخفضة ، موقعها قبل محطة ديزني بمحطة واحدة ، فاذهبوا اليها اولا لانها تقفل الساعة 8 مساء )).
(( استديوهات ديزني لاند تقفل الساعة 7 ، والبارك يقفل الساعة 10 )).
..: : اليوم الرابع : :..
* صباحا & ظهرا الاستيقاظ ، الفطور في الفندق. التوجه الى هضبة المونمارت والتجول هناك (( ارسمو لوحة من احد الرسامين المنتشرين على الشوارع ، تمتعو بالاجواء الهادئة ، التقطو أحلى الصور ، تناول وجبة غداءك و ودع هذا المكان الرائع )). ردو الفندق ارتاحو وعقب طلعو متحف اللوفر مشي
العصر :: متحف اللوفر عقب ماتخلصون منه تطلعون في الشوارع القريبه تتمشون وعقب تسيرون الشانز مقهى الفوكيت (ملك الوليد بن طلال) وتشربون هوت جوكليت مكانه جنب لويس فيتون
اتمنى اكون افدتك وسفرة سعيدة لك وللأهل ان شالله ..
والشكر موصول للأخت.. ( أحب M ـــ ك ) أيضا..
وأكيد الكل بيستفيد…
فندق جورج سانك فور سيسونز مجموعه يملك فيها الوليد بن طلال نسبه كبيره من الاسهم مش بالكامل
ع العموم يا جماعه انتوا سايرين في 11 والاخت جدولها صيفي راعوا هالنقطه
ونسيتوا قصر فرساي وانا عن نفسي اشوفه يستحق الزياره اكثر من اللوفر لانه فيه تتمشين بسيارة الغولف وتنتقلين في الحدايق ماله اما اللوفر احلى شي فيه الاسقف ماله وكله صالات مختلفه فيها لوحات ومتعب اللف فيه لدرجة انه اعتقد ما تقدرون ترجعن الشانز مشي
اخر نقطه اذا عندكم بيبيات وسترولرز ما انصحكم بالمترو بتتلعوزون وااايد
المشاركة الأصلية كتبت بواسطة El MaiTh 
فندق جورج سانك فور سيسونز مجموعه يملك فيها الوليد بن طلال نسبه كبيره من الاسهم مش بالكامل
ع العموم يا جماعه انتوا سايرين في 11 والاخت جدولها صيفي راعوا هالنقطه
ونسيتوا قصر فرساي وانا عن نفسي اشوفه يستحق الزياره اكثر من اللوفر لانه فيه تتمشين بسيارة الغولف وتنتقلين في الحدايق ماله اما اللوفر احلى شي فيه الاسقف ماله وكله صالات مختلفه فيها لوحات ومتعب اللف فيه لدرجة انه اعتقد ما تقدرون ترجعن الشانز مشي
اخر نقطه اذا عندكم بيبيات وسترولرز ما انصحكم بالمترو بتتلعوزون وااايد
مشكووووره الغاليه على تصحيح المعلومات و المعلومات اليديدة ..
بس عندي استفسارات بما انها اول زياره لي لعاصمة النور ..
ليش ذكرتي انه الجدول صيفي ؟ مع اني ما اشوف اي شي يفرق انه صيفي او شتوي ..
بالنسبه لقصر فرساي انا بالنسبة لي شليته لأني احب المتاحف اكثر من القصور خاصه قصور العهد الفيكتوري الي مول ما تضيف اي شي لثقافتي … يمكن ناس غير يحبون العماره الفيكتورية يفضلون زيارته .. و بعد الي اعرفه انه بعيد شوي فيلزم له نهار كامل .. تصدقين انا سرت قصر الشونبرون في فيينا و كرهت قصورهم الممله … كلها تماثيل عاريه و جي …
احب المتاحف .. و زيارة متحف اللوفر مهم بالنسبة لي…. اسمه كم يسوى ههههههههه …
بخصوص تنقل البيبي بالسترولرز انا احاتي هالشي مع اني عادي استخدم مترو دبي مع ولدي في التروللي ماله و احس الامر سهل .. بس شوي احاتي عشان جي ان شاء الله في باريس بستخدم تكاسي بحكم انه كل الاماكن قريبه من بعض و كلها مشي … الا يوم بنروح ديزني ان شاء الله بالمترو
و مشكوووره مره ثانيه
المشاركة الأصلية كتبت بواسطة still night ان شاء الله اختي