جربتي أطفال الانابيب .؟ .افيدوا الجميع .

انا رحت للدكتور مايكل وسويت تحليل دم وفحوصات وطبعا كانت الدوره متاخره علي بس ما طلع في حمل ..عطوني ابره عسب تنزل الدوره

1-هل الدوره تتاخر لين تنزل؟؟يعني بطول وايد؟؟واذا طولت وايد عادي اشرب شي حار ينزلها ولا بيضر؟؟
أنتظري شوي يمكن مفعول الابرة يتأخر مثل مفعول الحبوب الي تنزل الدورة والأحسن تسألين الدكتور أو المساعدة له

2- ليش يوم بتنزل الدوره لازم اتصل واخبرهم؟؟هل عسب اخذ الابر؟؟ والابر اللي باخذها جونال ؟؟

هيه في ابرة لازم تاخذينها ثاني يوم الدورة ما أعرف هي شو بالضبط

3- كل كم يوم لازم اروح اتابع البويضات بالسونار؟؟

هيه لازم متابعة يومية لحجم البويضة

4-كم لازم يوصل عدد البويضات وحجمها..؟؟

مع المنشطات راح تكون تقريباً 4 بويضات وقابلة للزيادة الموهيم راح يسحبونهن كلهن وبجربون على أحسن بويضة على ما أعتقد

5- متى بيسحب الدكتور البويضات؟؟ وهل على طول تتلقح بالحيوانات المنويه في حافظات وتتجمد؟؟وهل بتكون ببنج؟

يسحبها بعد ما توصل للحجم الطبيعي ويتم تلقيحها بالحيوان المنوي وبعدها تنقسم البويضة إلى أجنة ومن بعد ما يشوفون عندج بطانة الرحم زينة يتم الترجيع بعد يومين من السحب على ما أعتقد يعني على حسب تهيئة الرحم للحمل ما عندي فكرة بخصوص التجميد إذا يجمدون الأجنة وبخصوص البنج يكون شامل وترتاحين لمدة نص يوم في المستشفى

6- بعد كم يوم بيرجع الاجنه؟؟

جاوبتح في السؤال السابق

7- هل العمليه بدون بنج؟؟وشو لازم اسوي بعدها؟؟

السحب يكون بـ بنج .. أما الترجيع بدون بنج لأن مثل الأنبوب الرفيع يدخله للرحم عن طريق المهبل

8- متى لازم اروح اسوي فحص للحمل؟؟

بعد اسبوعين من الترجيع يبين وان شاء الله نسمع خبر حلو عنج