جسور الاسنان . استفسار

امس جلعت اول ضرس في حياتي وتميت اصيح عليه واااااااااايد والسبب هو ضرس العقل اللي طلع غلط وخرب ضروسي وطبعا اول شي اهمالي لهاي المشكله
المهم الدكتورة قالت لاااااااازم اتسويلي جسر يسكر المكان وانا خاااااايفه وبموت وكل ما اذكر اتم اصيح ما ادري شسوي
انصحوني خواتي اسوي جسر ولا لا؟؟؟؟
اللي مركبين جسر شو تقولون؟؟
ريلي قالي اصبري بوديج تايلاند وسوي هناك اضمن!!!!
انا محتاااااارة وخااااايفه

شو هو الجسور ؟؟؟؟
اسنان تركيب شرات الطبيعيه والا ؟؟؟؟؟
الصراحه احسه يعور

لا مب ضرس العقل الاسبوع الياي بشله انا شليت ضرس ثاني عداله
يعني انتي مسويه جسر؟ ويوم جلعتي ضروسج حسيتي شكل الفك تغير ولا لا؟

الجسر يكون ثلاث تلبيسات نفس الطبيعي
الضرس المجلوع وواحد قبله وواحد عقبه والمساكين الثنينه اللي مالهم خص يسحتوووووونهم علشان يلبسونهم جلابية يدية

الغاليه يمدحون تايلند في هالسوالف..
انا اربيعتي انسويه هناك وماشاء الله وايد اوكي..

سوي زراعة احسلج من التلبيس الي يخرب الضرسين

الزراعه احسن لج اختي