جلابيات النوم

السلام عليكم بنات تعرفون وين اقدر احصل خياط يفصل جلابيات النوم الخفاف اللي عليهن دانتيل عادي يكون في بوظبي او الشارجة و عجمان

درة الخليج

سوق الجديم

الشارجه منطقه الخان شي خياط ما اذكر اسمه يفصل جلاليب الدانتيل

ام رشودي وين هذا السوق الجديم في الشارجة بارك الله فيج
اخت بنت دبي ممكن تتاكدين من اسم المحل ووين مكانه في الخان بالضبط

اذا كنتي يايه الشارجه من صوب جسر الخان اللي قريب من المنتزه لتصعدين الجسر يعني مري من تحته شي دوار خذي يمين وبتشوفين مباني حكوميه كبيره بعد ما تطوفينه خذي يمين وبشوفين المحل على يسارج بس بصراحه مب مذكره الاسم بس بتشوفين جزء من الموديلات معروضه وسوق الجديم من فوق جسر الخان تكملين سيده والمنتزه بيكون على يمينج ونهايه الجسر بتكونين في شارع العروبه وبعدها شي نفق لتدخلينه وخذي يمين شي اشارات فوق النفق خذي يسار بتشوفين مبنى جديم فالدوار يدامج وعلى يمينه ويساره بنوك انتي خذي يمين بتدخلين سوق الجديم وان شاء الله ادلين المكان وربي يوفقج يالغاليه والسموووحه منج

أنا عندي جلابيات دانتيل جاهزه..إذا حابه راسليني ع الخاص