جنس الجنين .

السلام عليكم ورحمة الله بركاته….

خواتي عندي سؤال ،،، واللي تعرف لا تبخل علي برد …
آنا توني اليوم مكملة 3 شهور (13 إسبوع) وهذا أول حمل لي وخاطري أعرف شو جنس البيبي ….
زوجي يقول أكيد ولد مع إنه خاطره في بنوته ،، وآنا مو حاسه بشي ….

سؤالي متى أقرب وقت (أسبوع أو شهر) ممكن يبين فيه جنس البيبي؟؟؟؟
وهل تفرق من بين جهاز تصوير والثاني ؟؟؟
لأن آخر مرة رحت الدكتورة (من شهر) قالت لي ما بيبين إلا بعد شهرين – يعني في الخامس – وألحين أحس إني مو قادرة أصبر لين موعدي الأسبوع الياي ….
هل في إحتمال يبين في أول الرابع؟؟؟؟

حبيبتي اذا ووولد يبين في بداايه الرااابع

البنت ما تبين في سرعه وبعدين على حسب خبرة الدكتووورة وشطاارتها في منهم عندهم اجهزة حديثه وبعد ما تعرف..

من الاسبوع العشرين يوضح كل شي

انا توني مسويه سونار وكان ولي 13 اسبوع و4 ايام
وقالوا لي بنت
والمستشفى اللي رحته من ارقى واكفء المستشفيات في الرياض
واليوم كملت 14 اسبوع بالضبط

وانا بعد مستعيله >> توني شهر ونص وين ابااا
انا ولدي عرفت اونه ولد فبدايه الرااااابع لانه الولد بسرعه نعرف

حبوبة في نهاية الرابع تقريبا ببين،،،
الأسبوع 15 تقريبا وساير..

اذا ولد بيبين الاسبوع الياي

اما اذا بنت بتقولج مامبين