جو رمضاني في البيت يلا اعطونا رأيكم

السلام عليكم ..
كيفكم يابنات … كل عام وانتم بخيربمناسبة قرب حلول شهر رمضان الفضيل

حبيت نتشارك في تغيير ديكور البيت في رمضان ونخلي البيت جوه رمضاني

ونضيف له مثلا فوانيس رمضان وشموع وفواحات ووووو…..الخ

يلاااا يابنااات كل وحدة تحط الافكار الي عندها

ونخلي ازواجنا واولادنا يعيشون هذا الجو بكل مافيه من روحانيات وطاعة وقراءة للقران

ياااااااااااااااااااااي الفكره حلوووووووووه

تدرين انا واايد متحمسه لرمضان .. اللهم بلغنا رمضان ..

انا مفكره اسوي حق ريلي سله فيها مدخن حلو وعود ودهن عود وعطره المفضل عسب ادخنه قبل لا يسير يصلي التراويح
بس لين اللحين ماسويت شي

يلا مزيد مناافكار حلوحماسكميلا عوزين افكار حوه

عيبتني الفكرة حلوووة ونتريا المزيد..^.^

السلام عليكم ورحمة الله وبركاته

حبيت أعطيكن بعض الأفكار .. وأتريا تفاعلكن خواتي عشان كلنا نستفيد بإذن الله تعالى

وحبيت يكون التركيز على صالة البيت .. أو غرفة الجلوس .. لأنه المكان اللي يتيمعون فيه أفراد البيت

حطي حاملة مصحف بحجم متوسط أو كبير من النوع الخشبي المحفور على طاولة من الطاولات .. وحطي عليه مصحف كبير

مدي مفرش (مخمل لماعي أو ساتان أو أي نوع فيه لمعة حلوة) وفيه شريطة كريستالية على الحواف على الطاولة عشان يعطيج ديكور عربي إسلامي

حطي علبة فخمة وعبيها تمر وحطي العلبة فوسط الطاولة (تلاقين أشكال حلوة في لايف ستايل .. قسم التحف)

مدي سجاد بديزاين عربي تاريخي يحسس الشخص بالأجواء الرمضانية

علقي فوانيس رمضانية في أرجاء المكان

وزعي لوحات فنية صغيرة (براويز صغيرة) فيها رسومات وصور تدل على رمضان (هلال رمضان .. فوانيس .. مسيد ….. إلخ)

حطي سلة تحتوي على مدخن + عود ودخون + دهن عود يستخدمونها الرياييل يوم بيظهرون للتراويح

إن شاء الله قدرت أفيدكن بأفكاري البسيطة

وأتريا أفكاركن الحلوة

اللهم بلغنا رمضان