صبحكم / مسآكم الله بالخير ~
كنت حآطه صور حلويآتي فموضوع مس كويت ، وطلبوا مني طريقة الجيزكيك ..
فالموضوع خاص عشآن خآطر العضوة رد آبل ،، 
وحبيت احطها للكل ، لتعم الفائدة ~ 
الجيز كيك :
الطريقة :
القآعدة :
بسكوت دايجستف ، زبدة 100 غ بس مآ احطها كلها ..
الطبقة الوسطانية :
جبن فيلاديفيا 200 غ
قشطة خفق المراعي اصغر علبة
حليب مركز
2 دريم ويب
ظرف جيلاتين مذوب في فنيان ماي مغلي
طبعاً نخلط الدريم ويب ويآ قشطة الخفق لي ما يغلظ الخليط ،
والحليب المركز ويا الجبن في في الخلاط الكوب ..
وآخر شي نحطهم ويآ بعض ونحط الجيلاتين .
ونحطه ع طبقة البسكوت " ياخذله من ساعتين لين 3 ساعات "
التوبنغ :
جآلكسي ويا قشطة .. وتقدرين تحطين الي تبينه نوتيلا ، مارس ، سنكرز ..إلخ
اذوبهم فالمكرويف واخليه يدفى شوي ،
بس لازم نتأكد إن الجيز كيك تماسك فالأول ~ 
ان شاء الله تجربونها وتعيبكم ..
وسوري الموضوع مافي الخطوات لأنه ما كنت مخططه احطه فالأصل ~
بالعآفيه عليكم ~ 
الي يعيبها موضوعي تدعيلي دعوه حلوه .. 
فالأخير قولوا وياي : اللهم صلي وسلم على محمد آله وصحبه وسلم ..
استغفر الله العظيم وأتوب إليه ،، اللهم اغفر للمؤمنين والمؤمنات الأحياء والأموات ..
نورتي الموضوع فديتج ..
وجذبني تنسيق السفرة اكثر
نفسي حد يحط لي فالة عدلة مثل ما انا اوجب الناس
اهئ جاااان عطيتيني قطعه صغيره هع ..
تسلم ايدج غلااااي ..
وان شاء الله بجرب طريقتج ^^