حالتي صعبة والله

مشكلتي يا الغاليات باختصار
اني من ربيت وانا ولدي والفطريات ما فارقتنا
هو مسكين في حلجه
وانا صدري متقطع
احينه عمره سنه وشهرين
والمشكلة لين اليوم
عطونا كريم وجل من يوم انولد بس للحين المشكلة مستمرة
ارجوكم ساعدوني اذا عندكم خبرة

السلام عليكم اختي
ان شاء الله ما تشوفون شر
انقلج عن تجربة احد البنات انها قطعت فترة عن ارضاع البيبي مالها حتى ما اختفت منهم هم الاثنين
لان هذا الشي هوه الحل الوحيد
عانت نفس معاناتج بس اخر حل ما صارت ترضعة لين ما خف عنهم هم الاثنين بشكل نهائي وهكيه ما شاء الله عليها وعليه مرتاحين وافتكوا

الله يكون في عونج ويشفيج انتي وولدج
بس انا اللي اعرفه وعن تجربه انه الرضاعه اتخفف من حدة
التهاب الفطريات …
حاولي اتراجعين دكتوره متخصصه وهي ان شاء الله بتفيدج اكثر

شكرا يا خواتي بس والله تعبت من المستشفيات

حبيبتي حاولي تستخدمين لنفسج اشوية زيت زيتون وعطي ولدج ماي زمزم مقراي فيه وانتي بعد اتغسلي يمكن عين العين ق

يالغاليه يوم بترضعينه و بتخلصين يبيلج فوده فيها ماي وامسحي لثت ولدج من فوق وتحت لان الفطريات يصير من هالشي بس صراحه عنج والله ما عرف بس اتوقع انج تحطين زيت زيتون او كريم

الله يكون بعونج اختي، بس عسب ماسمعت ان صدر الوحده مايتقطع من الرضاعه الا اذا كانت وضعيه الياهل غلط اثناء الرضاعه وبالتالي يمسك صدرها بطريقه غلط، ثاني شي وحده ربيعتي كانت تعاني من الفطريات بحلج النونو قالت لي الدكتور عطاها مرهم تفرك فيه حلجه بعد الرضاعه، وشراب عباره عن مضاد حيوي لين مافتكت وبعدين اختي بعد بالنسبه للصدر حاولي تغسلين صدرج بماي دافي عد كل رضعه وادهني بمرهم خاص للصدر ينباع اظني في الصيدليات، وعليج بالاذكار اليوميه والله يحفظج انشالله من كل شر.