شحالكم ؟؟ شو أخباركم ؟؟
ما بطول عليكم .. انا حامل بالبجر .. ما عندي اي فكرة عن الولاده ووايد اسئله فبالي …
امممممممممممـ واتمنى انكم تردون عالأسئله .. و بنفس الوقت انصحوني الله يرضى عليكم …..
1 . متى اروح المستشفى حق الولاده اول ما احس بالويع ولا يوم يطلع الماي ؟؟
2 . والماي الي يطلع كيف يكون وايد شوي يعني بخيس وايد ؟؟
3. شو البس يوم اروح المستشفى ؟؟
4. وقت الولاده شو اسوي كيف اتكون وضعيتي قاعده نايمه ؟؟
5. شو سالفة الخياطه ؟؟
6. لازم اللي بتفحصني اشوف لي السانتي كل شوي ولا عادي ما يشوفون لو طلبت منهم ؟؟
7.بعد الولاده شو الأشياء الممنوعه ؟؟
و اسمحولي …..
اللهم أجعله مسلما مؤمنا محسنا من الدعاة الصالحين المجاهدين في سبيلك ، و اختم له
بالشهادة الخالصة في سبيلك ربنا هب لنا من أزواجنا و ذرياتنا قرة أعين لنا رب هب لي من الصالحين ، اللهم احفظه من بين يديه و من خلفه و عن يمينه و عن شماله و من فوقه و من تحته ، أبرأ إليك من حولي و قوتي . اللهم أنت خلقته و سويته و نفخت فيه الروح و أسكن التوحيد في قلبه و أعني على تربيته كما تحب و ترضى ، أبرأ إليك من حولي و قوتي ، اللهم أجعله من المجددين لدينك و المحيين لسنة نبيك صلى الله عليه و سلم ، اللهم أحفظ له دينه و عرضه و عقله و بدنه…
و اللهم سهل حمله و ومخرجه ..
المشاركة الأصلية كتبت بواسطة غزالةبغداد 
مشكورة انج دخلتي .. و الله يسهل علينا ياااااااارب
المشاركة الأصلية كتبت بواسطة so0oso0o91 شحالكم ؟؟ شو أخباركم ؟؟
ما بطول عليكم .. انا حامل بالبجر .. ما عندي اي فكرة عن الولاده ووايد اسئله فبالي …
امممممممممممـ واتمنى انكم تردون عالأسئله .. و بنفس الوقت انصحوني الله يرضى عليكم …..
1 . متى اروح المستشفى حق الولاده اول ما احس بالويع ولا يوم يطلع الماي ؟؟
2 . والماي الي يطلع كيف يكون وايد شوي يعني بخيس وايد ؟؟
3. شو البس يوم اروح المستشفى ؟؟
4. وقت الولاده شو اسوي كيف اتكون وضعيتي قاعده نايمه ؟؟
5. شو سالفة الخياطه ؟؟
6. لازم اللي بتفحصني اشوف لي السانتي كل شوي ولا عادي ما يشوفون لو طلبت منهم ؟؟
7.بعد الولاده شو الأشياء الممنوعه ؟؟
..
1. تروحين المستشفى يوم ينزلج دم شوي وتكون التلقصات قوية يعني من بين الاولى والثانية خمس دقائق او اربع ومب لازم ينزلج ماي يعني مب كل الحريم ينزللهم ماي ..
2. في حريم ينزللهم وايد ماي ويخيسهم كانه بيب وفي حريم لا يعني لاتحاتين يمكن تكونين مب منهم وكله خير عادي …
3. البسي لبسج عادي لانه هناك بيلبسونج ملابس الولادة يعني بتفصخين كل شي ..
4. الاحسن انج تمشين لين ما تربين بينومونج وبتربين بالسلامة … بس انتي لا تميين طايحة لانة تزيد التقلصات يوم تكونين نايمة وبتتعبين قوليلهم بمشي
5 . الخياطة الله يسلمج عقب ما تربين بالسلامة انتي لانج بجر يمكن يوسعونج من تحت يعني يجرحونج عشان يساعدونج على الولادة وبعدين يخيطون الجرح بس في الولادات الي عقب عادي بتكون المنطقة بروحها واسعة والخياطة عشان تضيق المنطقة بعد الولادة وتاخذلها عشر ايام او اكثر وتبدأ تخف شوي شوي ولا تحاتينها ..
6 . عادي هي تعرف شغلها وكل ما زادت التقلصات بتشوف وانتي لا تستحين عادي عشان تجهز عمرهااذا وصلت العشر سانتي ما تخوز عنج …
7. بعد الولادة تخف الممنوعات بس لازم تاكلين اكل صحي وما فيه بهارات زايدة عشان حليب النونو وتشربين ماي وايد وبس
الله يسر ولادتج والتساهيل بيدة
شوفي فديتج يوم تحسين باوجاع في الظهر او البطن مثل المغص واوقات مابتحسين بقوتها على حسب او يوم ينزل منج ماي وايد او افرازات ثقيله فيها دم لكن حاولي تحسبين الاوجاع متى تييج كل خمس او عشر دقايق يعني في اي حاله من هالحالات علطووول طيران للمستشفى
2 . والماي الي يطلع كيف يكون وايد شوي يعني بخيس وايد
انا اللي اعرفه وايد مثل اختي الله يعزج دخلت الحمام تقضي حاجتها والماي ماتبه توقف علطول عرفت ان ولاده واختي الثانيه كانت تمشي وينزل الماي منها مب بيدها وانا مانزلت الماي انا عرفت من الافرازات
3. شو البس يوم اروح المستشفى ؟؟
انا اللي اعرفه شو مالبستي بيفصخونه لج بيلبسونج لبس من عندهم حق العمليات
4. وقت الولاده شو اسوي كيف اتكون وضعيتي قاعده نايمه ؟؟
وقت الولاده اكيد نايمه على ظهرج وفاتحه ريولج
5. شو سالفة الخياطه ؟؟
الخياطه على حسب انا ماخيطوني لاني مانشقيت لكن خواتي خيطوهن يعني على حسب راس البيبي وتعاونج معاهم بالدفع
6. لازم اللي بتفحصني اشوف لي السانتي كل شوي ولا عادي ما يشوفون لو طلبت منهم ؟؟
اول ماتينهم بيشوفون كم سانتي وبعد كم ساعه تي تشيك عسب تعرف قربتي للولاده لان اذا 6 سانتي علطول يودونج الغرفه مالت الولاده
7.بعد الولاده شو الأشياء الممنوعه ؟؟
مافهمت مثل شو ممنوعه يعني اكثر الممنوعات في فترة الحمل بعد الولاده كان جبل ونزاح عنج