حامل

السلام عليكم خواتي
مبروك عليكم الشهر الفضيل

انا حامل في شهري الخامس وتعباااااانة وايد من صدري احسه متورم واااايد عليه سهر وماعرفت شو اسوي من اول شهر هالويع

وثانيا الحموووووضه اللي مب راضية تخليني في حاااالي والله اني يالسة اكتبلكم وتعبااااانة حتى ما فطرت عدل بس شربت عصير وماي والحموضة بدت شو الحل اي شيء اكله على طووووووول اتييني الحموضة

جربت الروب والخيار مافادني والحين بجرب الدواء الابيضاللي فالصيدليات مع اني ماكل مقاااالي ادري يسون حموضة

شو الحل

والله الغاليه ماعرف ان شاء الله الخوات الي عندهن فكره يفيدنج ..~
وربي يسهل عليج فديتج..~

الله ييسر لج و يتمم لج على خير اختي*
هذا هو الحمل و الحموضه من منشاكله العاديه*
في حملي الاخير يتني الحموضه من وقت مثلج و قمت اشرب حليب بارد عقب كل وجبه
و صدقيني خفت عني الحموضه حتى كانت اول مره ما آخذ الموكسال في الحمل
الله يتمم لج و يسهل عليج حملج وولادتج

الله يسهل عليج و علينا ان شاءالله
جربي تشربين لبن اكتيفيا بعد كل وجبه

السلام عليج ياالغاليه ماتشوفين شر يارب الله يسهل عليج وتقومين بالسلامه انا الحمد لله كان حملي خفيف ماحسيت بوحام والله رزقني ببنيه فديتها اللهم لك الحمد والشكر بس كنت اشرب ماي المرقدوش دايما حتى قبل حملي واثناء الدوره كان اللهم لك الحمد يريحني واختي عندها حموضه في المعده دايما تشربه وترتاح فجربي اشربي ماي المرقدوش ان شاء الله ربي يجعل فيه البركه

الله يسهل عليج حبيبتي

الله يسهلك أختي بالنسبه لموضوع الصدر ما عندي معلومع بس أسألي دكتورتك أحسن
بالنسبه للحموضه انا كنت حامل بشهري التاسع رمضان يلي طاف وكنت اتم صايمه ما افطر بسبب الحموضه لو أشرب مي تستويلي حموضه
خبرتني أمي أني آكل أيس كريم بالفانيلا والحمدالله كنت أكله بعد الوجبه وارتاح وايد