حبايبي بنتي الصغيرونه تصيح وااايد

السلام عليكم

نونوتي عمرها شهر بالضبط
و فديتها تصيح بطريقة كأن شي يعورها و ترص ع عمرهت

عقب عرفت ان بطنها يعورها و ما يمشيها

ما اعرف شو اسوي خاصة اني ام يديدة مع ان اكلي زين وما اخربط مول

انا بنتي عمرها شهرين واذا يومين ما مشى بطنها افور لها كمون اشوي وعقب احليه بسكر نبات واشربها وما شاء الله ترتاح وحتى زين للغازات ،،

مرت اخوي تعطي بنتها شاي ميلوبا بالشمار حق حديثي الولاده ويمشي بطن بنتها ،،

وسوي لها مساج في بطنها بحركه دائرية بعكس عقارب الساعه،،

وسبب الامساك انه ما ترضع عدل يعني كثري من الرضاعه واذا انتي اتشربينها صناعي تاكدي من المكيال وانج ما اتحطين ازياده

تسلمين حبيبتي وانا ما اعطيها صناعي

حبيبيتي الف ميروك على المولودة اليديدة و تتربى بعزج يااااااارب اعتقد عادي لانها عندها غازات يمكن بس جابلي لها اليانسون مع سكر نبات سخني ماي حار و حطي فيه اليانسون و حبة سكر نبات لين ما يبرد عطيها بالمرضاعة و بتهديى اكيد

السلام عليكم
اختي اشتري من العطاره يلسون و سكر نبات. و أغلي ملعقة صغيره من اليلسون مع كمية ماي بس مب وايد. عقب صبي السائل في مرضعه وحطي قطعتين سكر وحلها اذوب ويبرد اشوي.وعطيها. راح ترتاح ان شاء الله وبتتعود علي المرضعه

ممكن اسوي تمارين. تمسكيها من ساقها تضغطي بقوة خفيفة كم مره علي بطنها. سوئها عقب ما اتسبيحها و قبل الرضاعه لان الدكتوره أتقول مب زين برجع البيبي اذا كان بعد الأكل

اختي طبيعي جدا من شهر الى ثلاث اشهر
العلاج والله اتذكر يسوون ف فتحة الشرج زيت زيتون
بس خلي حد عود فاهم مثل امج تسوي

موفقه اختي