حبتين ديلاسين في الاسكينول ,, لأزاله أثاار الحبوب بعد ماتروح ؟

مرحبا بنووتااات ..

شحالكم .. عساكم بخير

ماعرف اكتب مقدمات .. ف بدخل فالموضوع على طول

انا من شهر تقريبا حاولت قد ما اقدر اخووز الحبووب .. والحمدلله انهم راحوا .. بس مثل ماتعرفون .. عقب ماتروح الحبووب اتم اثاار مكانها .. ف ادور الحين شي يميحها عن ويهي .. ولو انها مب وايد تبين
لانه خاطري اطلع من البيت بدون ماحط كريم اسااس >> لانه هو كان سبب دمار بشرتي بسبة الاستعمال اليومي

ف وانا اسوي ريسيرج .. لقيت هالموضوع ..

الأقتباس من الأخت :
بكلمكم اليوم عن تجربتي الطوووويله او بالاصح معاناتي مع الحبوب الي بدت فيني من خمس سنين ما فيهم يوم لقيت وجهي صافي مع اني عالجت عند دكاتره و ما خليت شي ما جربته و اهتم في بشرتي بشكل جنوني .. بس كل هذا ما فاد مجرد نتيجة مؤقته و يرد الحال اسوأ ..

الين في يوم لقيت موضوع لاخت عزيزه ما يحظرني اسمها بس الله يجزاهاااااا خير و يحقق لها ما اتمناه .. كانت كاتبه عن صابونه اسمها acne aid اذا ما غلطت بالكتابه لان العلبه مو عندي المهم هالصابونه .. سحرررررررررررررررررر

طريقة استخدامي لهااا
اسبوعين .. ريحت بشرتي من كل شي .. المكياج و الكريمات و حتى المرطب ما احط
مجرد اني اغسل فيها وجهي ثلاث مرات باليوم و بسسسسسسس
بعد الاسبوعين لقيت الحبوب اختفت و حتى الاثار راحت و كنت احس بشرتي اتقشر

الي الحين .. خلصنا من الحبوب ..

وش بقااااااااا ؟؟

مثلكم عارف

الآآثاررر .. طبعا الصابونه خففت الاثار الي تكون حمرا بس بقت الندوب الي كنها حفر صغار او مسامات واسعه .. كنت يائسه من اني ممكن اعالجها و كنت مفكره بالتقشير و خايفه
ما حاولت اجرب خلطات طبيعيه او كريمات و الله يخلي كريم الاساس

الين جاااااا يوم كنت رايحه سوق فيه اغراض فلبينيات و هالسوالف و ما كنت حاطه مكياج
يوم شافت الفلبينيه وجهي .. قالت انا عندي دوا زين للاثار
قلت هذي حفر اشلون يعالجهاا شي ؟؟ قالت هذا يوخر اثار الجدري مو بس اثار حبوب ..

انا توقعت بطلع لي بيبي فيس .. قلت لها .. شنو دوا ؟؟ بيبي فيس ؟؟

هي سمعت الاسم تقولين مقروصه قالت لالا بيبي فيس مو زين يخلي وجه يسير اسود و سيم سيم عجوزه مو زين
قلت شنو انتي دوا ؟؟
وش اتوقعون طلعت ؟؟
اسكينوووووووول الشفاف العادي
تخيلو .. انا انصدمت معقوله اسكينول

و طلعت حبتين مثل حبوب الدوا 00 تقول اسمه دلاسين و كسرتهم بالاسكينول و عطتني مجانا كيس قطن هههههههههههههه

و قالت استخدميه مرتين باليوم
لما احطه احس بنظافه مو طبيعيه و انتعاش و احس ان المسام تتسكرر

اثار الحبوب من اول سبوع خفت و الحين بعد ما تقريبا العلبه خلصت اقدر اقولكم ان آثاري خفت 90%
الحمد الله
و الله يا بنات ما تخيلت ان وجهي ممكن في يوم يرجع صافي

اتمنى موضوعي يكون دافع لكل وحده فيكم انها ما تمل و لا تزهق اذا شافت المرايه و لقت كم حبه في وجهاا و اتأكد انها بيوم بيصفى وجهااااااا و بتصير أحلى من القمرررررر

هذي تجربتي طرحتها لكم و انشالله الله ينفعكم فيهاااا و اتمنى يناسبكم

فـ اللي جربت هالخلطه .. الاسكنول وديلاسين ع بشرتها .. اتخبرنا شو النتايج بلييييييييز ؟؟ هل فادها .. مانفعتهاا .. أو حتى ضرتها ؟؟
لانه بشرتي حساسه واايد .. واخااف استخدم الديلاسين .. جي بدون تجارب

واحيد قريت موضوع ثاني لأخت ام عبدالله .. عن الاسكنول و اسبرين بدال الدلاسين .. فـاللي جربت هالخلطه بعد اتمنى تذكر تجربتهاا ..

بليز بنات اتريا ردكم ..

أختكم ^^

من فتره قريت موضوع وحده من الخوات كانت كاتبه نفس وصفة الاسكينول بس مب كبسولتين في الغرشه لا 6 كبسولات تفتحهم في الغرشه وتستخدمهم وتقول كل شي خاز لا حبوب ولا اثار

ما عندي فكره

والمعلوووووووومه حلوه الصراااااااااحه

ومنكم نستفيد ^^

^^

ماجربت الخلطة اختي

مادري والله .. احترررت

بترياا الخوات المجرباات يردن عليييه

انا جربت ويهي استوا بخير بس عقب اهملت عمري من خلص عني قمت اتعبث بالحبوب واكل كاكاو رجعن كان فنان وخربت عمري بالكاكاو

سمعت بهالشي

يمدحونه

ما جربت