حبوب تخفف اللوعة ؟؟

السلام عليكم ورحمة الله وبركاته

انا حامل في الاسبوع التاسع واللوعة ذابحتني بشكل فضيع
لا ابا عطور ولا دخون ولا شبه ولامعجون ولاشامبو ولاشي

حتى الخطف مابا اروحه ولا الزعتر الدياي ما ابا ولا السمج ولا اللحم

ما ابا الحجره ولا الحمام

واخس شي ريلي ما ابا اشوفه حتى ولا اكلمه

كله لوعة في لوعه

والله صدق تعبانه من الخاطر

انا سمعت عن حبوب يعطونها الحامل عشان ما ترجع
ابا اشتريها من الصيدليه لكن خايفه لان حملت بالانابيب وموعدي تاريخ 22 3 بعيد

اللي تعرف ان الحبوب هاي ما تأثر بليززز تخبرني لان محتاجه اخذ شي يخفف اللوعه

واللي تريحني الله يريحها دنيا وآخره

كلي لومي وملح ولاتاخذين اي دوا من الصيدليه الا بإذن الدكتوره

سيري عند اهلج ريحي نفسيج شوي ول غيري الحجره وضغطي على نفسج لاتخلين مشاعرج تسيرج

واكثري من الاستغفار…

الله يوفقج ياااارب ويجعله نصيبج ..

دعواتج لنا ^_^

عزيزتي حبوب اللوعه ماتأثر بس لازم تستشيرين الدكتوره شو يناسبج

لان في انواع وااايد ..

انا في البنتين .. نفسج عقب عطتني حبوب وماشاء الله راحت اللوعه ^^

الله يعينج اخنيه ..

انا خذت منهم وااااايد اوكيـه ..

ودوم كلي بسكوت مملح يخفف اللوعه..

لا اللومي نفع ولا الملح ولا لبن آب وانا في بيت اهلي ومن شهر متحمله لكن نفد صبري

المشكله في توام ما يحولون ع الدكتور لو شو مايصير يعطون مواعيد بس