شحآآآلكن بنوتآت
آليوم يبتلكم شي يمكن البعض سآمع عنه و بعض آلآخر مآ يدرون عنه مول
آنا عآنيت تقريبا 9 سنين من آلحبوب اللي على ويهي مآ خليت شي مآ جربته رحت المرآكز آلتجميليه عيآدات خاصه و حتى خلطآت من مدونة و كذا وحده خبرتني عن كريمات و خلطات و فلانه تسوي و علانه تبيع و غيره و غيره و غيره كثير
في هآ كل تقريبا صرفت مبآآلغ أنتو تعرفون آكيد انتوا بعد رايحين المراكز التجميليه و العيادات و تعرفون الاسعار حتى الصوالين رحت سويت كل اللي اقدر اسويه بس عشان اتخلص من الحبوب و البقع و الكل كان يقول لي حرام انتي بعدج صغيره و ويهج جي عالجي و عالجي بس وين اروح يا ناس ما خليت شي ما جربته
المهم اخر شي شليت كل الكريمات و الصوابين و فالزباله قلت برايه دام سويت كل شي و ما نفعني ولا اي شي بينفعني قمت ما احط شي ع ويهي و اضطريت اترس ويهي مكياج عشان اغطي الحبوب او ع الاقل البقع مع ان المكياج روحه يطلع حبوب و يسوي بلاوي و انا بشرتي حساسه 
المهم اكيد مليتو لا ههههه اقول لكم اللي عانيته ياخي الحين بندخل بالموضوع
ربيعتي من فتره ما شفتها و اخر مره يوم شفتها كانت هي تعاني من الحبوب نفسي بس لما شفتها قبل اسبوعين ما شاااااااااااااء الله بشرتها صاااااااااااااااااااااااااااااااااااااااافيه سالتها قلت لها ما شاء الله بشرتج شو سويتي كيف و متى و طبعا هي انصعقت لما شافتني لان ويهي صار اخس عن قبل زادو الحبوب و البقع و عطتني حل يزاها الله خير يا بنات كل اللي بتستخدم هالعلاج تدعي لها و لعيالها و ريلها و لا تنسوني انا بعد 
و الحل هني
بي بي فيس
اكيد في بنات سامعين عنه و في بنات لا و بالاختصار انا بديت من تاريخ 5/5/2016 و اليوم التاريخ 25/5/2016 .
و بشرتي احسن عن قبل بمليون مره تخيلو بنات 95% من ويهي كل حبوب مافي نقطه مافيها حب كان او بقعه طبعا غير خشمي هههههه و الحين 70% بشرتي صافيه و باقي 25% بقع و ان شاء الله جريب بفتك من الحبوب و البقع تخيلوا يا بنات بس استعمال اسبوعين و و اطلع الحين بدون مكياج بدون اي شي ع ويهي اقدر ارفع راسي وامشي ما استحي من ويهي الحين و بعد اللي عانيته فكرت ان كم بنت تعاني من اللي عانيته انا عشان جي يبت لكم الحل و الحين بعطيكم طريقه استعمال البيبي فيس و الكريمات الثانيه
يستخدم مره فاليوم بالليل بس كل يوم لازم
اول شي اغسل ويهي و احط بيبي فيس
هذا بيبي فيس سائل انا من راك حصلته في سوبرماركت الهدف بتقريبا 13 درهم و بيبي فيس ها مقشر للوجه
ايب قطنه و ابلل القطنه و احط بس مو تمسحونه مسح لا ضربات خفيفه و ركزي اكثر شي عالبقع و الحبوب لا تقربينه عالعين و لا الفم و جي انتهينا من البي بي فيس
نخليه 10 دقايق لين ينشف البيبي فيس عدل
ثاني شي
هذول الكريمين من الصيدليه واحد ب20 و الثاني 21 وشي تقريبا
احط كميه متساويه من الكريمين ع الكف و اخلطهم زين و احط ع ويهي بس و اروح انام
ثاني يوم الصبح انش اغسل ويهي بغسول هملايا و عادي استخدمي اي غسول تحبينه بعد الغسول انشف ويهي عدل و احط كريم مرطب
هذا المرطب من الصيدليه بعد و اظن ب50
1-اول اسبوع بتحسين نفسج او اللي حوالينج بيقولون لج انج مسمره بس عادي لان بعد اسبوع تبيضيييين فلا تخافين
2- اللي مسويه ليزر او اللي ناويه تسوي ليزر ف ويهها لا تستخدم العلاج لان بيآثر لو انتي مسويه ليزر بعده بفتره طويله تقريبا بعد شهرين من الليزر عادي تستخدمين العلاج و اللي تبدا باستخدامه ما تسوي ليزر بيحترق ويهها من الحين اقولكم
3- شمسنا حاااار نار فاذا استخدمتي العلاج مب مسموح لج تطلعين تحت الشمس الا بعدما تحطين واقي لازم لازم لازم لازم لازم لازم واقي
4- اللي تشتغل فالشرطه و هالاماكن اللي تتعرض للشمس وايد ممنوع لها استخدام البي بي فيس
5- اللي عندها عرس قريب ما ينفع لها تبتدا لان يقشر الويه الجلد القديم يتبطل
6- اللي ما في ويهها حبوب كثير تستخدمه اسبوع بس او ماله داعي اصلا عشان ما اتضرين بشرتج
7-التشقير ممنووووووووووووع
8- ممنووووووووع للحوامل
العلاج لمده شهرين فقط لا اكثر و اللي يصفا ويهها قبل شهرين خلاص مب لازم تكمل العلاج توقف عشان ما اتضر بشرتها
انا يت افيدكم لاني ما ابي اي بنت تعاني نفس ما انا عانيت عشان جي كتبت هالموضوع لكم ويا الملاحظات بعدين لاحد يقول قصت علينا و اخترب ويهي عشان جي قبل لا تستخدمون العلاج اقرو الملاحظات عدل
ولا تنسونا من دعاكم
اتريا ردج الله يسعدج وماشاء الله
و تسلمون عالمرور فديتكن
اثار حب شباب ومسامات مفتوحة ورؤوس سوداء بتنفعني هالكريمات والا بس هاي للحبوب وبس ؟؟
لاني والله مليت من كثر مااخذ كريمات وماتفيدني تراني شراتج في المعانات