حب الطفولة

اختي الكبيرة

الحينه عمرها 23 سنه .. كانت تحب ولد عمي وهو يحبها من هم صغار .. حب طفولة
وكبروا وصارو ما يتلاقون دايمن .. والحمد لله لا تكلمه ولا يكلمها الا اذا كان سلام بس

يوم اتكون بايت في بيت عمي الثاني يروح يشل خواته ويوديهن عندها والله اعلم كيف يعرف
يوم اتكون يالسة وياهم واايد يسولف حتى ان خواته يقولون غريبة فلان يسولف وطيب!!
يوم باتت في بيتهم ابدن ما يظهر من البيت ونفس الحاله استغربوا اهله ؟؟

نظراته لها هاي الكل كاشفها … في 100 دليل ودليل يدل على حبه لها

بس الحمدلله ما غلطو ورمسو بعض ولا انه عنده رقمها لان دايمن خواته يدقن من فونها

خواته وابوه يموتون عليها واايد واايد متعلقين فيها

المهم في مرة قال اريد فلانه "اللي هي اختي" وامه رفضت واخته الكبيرة وبشده وهاي الصدمة

ليش ؟؟

لان بنت عمي ما خذها اخوه ومسويتلهم مشاكل

بس هم يعوفون منو امي ومنو ابوي وكيف تربيتنا وكيف طبع اختي

اختي لو حد طلب منها شي تلبي طلبه وتحطه فعيونها … طيبه بشكل فضييييييييييع وعلى نياتها

وهو كان مصر الا ياخذها واخر شي تمت امه زعلانه عليه فترة طويلة تباه ياخذ وحدة بعيدة ومايخصها فينا

واخر شي وافق

وكانت صدمة بالنسبة لنا بس اختي كان عندها عادي

قبل العرس بيوم شفناه والله العظيم اني شفته بعيني ما نزل عيونه من اختي بس كانت عااادي
كنت منقهرة واول مرة احس بهالشعوور

خواني كانو مصورينه برع كان يويل وماله خااطر

ويوم العرس وهو يم عروسته وعينه ع اختي هني انا تاكد من حبه

وبعد العرس كمن مرة اشوفه

رغم ان زوجته حلوة ما شاء الله عليها واايد طيوبه بس ماعرف احسه وااايد ندمان وهالشي مبيين عليه

من بعد عرسه اختي تغيرت احسها مظاايقة ومقهوورة
بس ساكته

وايد الاحظ عليها بس ما ترمس

تحاول تشغل عمرها بالشغل

والله اني دوووم ادعيلها ان الله يرزقها بالزوج الصالح
وبرايه ذاك لو كان صدق صدق يباها كان تم مصر لين ما ترضى امه

دخييييييلن ادعن لها ان ربي يعوضها وسبحان الله يمكن ما كان خيره لها

والسموووحه

الله يهون عليها وعلينا وعلى الجميع يارب

ما تدري .. لعله خير لها إنها ما ارتبطت في ولد عمج ..

الله يوفقها ويرزقها

هي بتعرس ان اء الله و بتنسى و هو يوم بيجوفها مطنشه و مستانسه بحياتها بينسى …والله يوفق الجميع