حدود علاقة الزوجين فترة الملكة

السلام عليكم

أنا عضوه جديده وهذي اول مشكله بطرحها في منتداكم

تملكت من شهر وزواجي بيكون في شهر فبراير القادم

عمري 21 سنه وزوجي 24 مشكلتي اننا الان متملكين واحاول

أثقل شوي وما أتصل عليه الا اذا هو دق وما رديت عليه

حتى الرسائل ما أرسل الا اذا أرسل لي وغير كذا انا لاهيه

بدراستي

لما صار لنا متملكين اسبوعين طلب مني أني اطلع معه يبغى

يعشيني برا لكني ارفض

ولما صار يجيني في بيت اهلي يحاول يتقرب مني لكني اصدره

فيتضايق ويقول انتي حلالي وافقت لكنه في اخر زياره

طلب مني طلب جريء

وسامحوني على الجرئه في الكتابه بس معتبرتكم زي أخواتي

طلب مني أشيل بلوزتي و يحضني لكني رفضت بقوه وزعلت وهو أعتذر

وعقبها يرسل لي رسايل يتأسف مني و صارحني انه ما يقدر

يمسك نفسه لما يشوفني

هل نخفف الزيارات هل أعلم أمي بألي يصير وإلا الوضع عادي وانا أبالغ ؟؟؟

هذا استوى ريلج ولو يجامعج عادي … بس حلات كل شي ليلة الدخله ):

حبيبتي تراه ريلج ! عادي يعني

يعني عادي ؟؟

بس مشكلته مره جريء وانا مرره خجولة وش بيبقى لليلة الدخله

أختية كل شيء في وقته ، بس أطلعي معاه واتعشوا ويكون وياج أخوج ولا حد من أهلج وبس
أما تكونون بروحكم ما أنصحج الصراحة بس اهتمي فيه وسولفي وياه عادي يعني مش لدرجة
تكونين رسمية تراه حلالج وأحلى أيام هي أيام الملجة وبتحنين لـ هالأيام لأن عقب بتتعودون ع بعض
والمستحى بيروح وماشي حدود بينكم .. بس استانسي في هالفترة لا تكونين وايد رسمية

واهلج وين؟
جيه قاعده وياه بروحكم اذا تبين الحل جدموا العرس

شو عادي ؟ خل يشلها بيته بلا عرس ولا شي على الاقل اهلها والناس دروا انه ريلها