حراميه في الدوام .

الله يسلمكن .. اضطريت اني اتشارك بلوكر (LOCKER) مع وحده من زميلاتي في الدوام علما باني اعرف هذي الزميله من قبل ايام العمل…. و لكن ما بيني و بينها علاقة وثيقة يعني بس السلام عليكم و عليكم السلام … المهم اني في مرة من المرات حطيت سجادة حق الصلاة في اللوكر و فجأة و من غير اي مقدمات السجاده اختفت من اللوكر بعد ما تمت فيه شهور من غير ما حد يجيسها غيري..يا ربي وين راحت السجادة ؟ سالت زميلتي هاي عنها قالت ما ادري يمكن حد خذاها وداها مصلى الرياييل!!!!! يعني كيف يمكن حد خذاها؟ حد منو يعني؟ جني علاء الدين؟؟؟؟ المهم ما علينا … انا بعد ما دورت في كل مكان ما حصلت السجادة ابدا في المكتب كله …قلت يلا ما عليه حصل خير و مب معقول تكون البنت اخذتها من غير حق … المهم يبت سجاده غيرها و حطيتها في اللوكر و الى الان الوضع زين و السجادة مكانها…و قبل كم من يوم البنت هاي قالت لي فلانه انا ضيعت مفتاح اللوكر و ابى اخذ النسخه اللي عندج عشان انسخ منها نسخه لي…بدال مفتاحها اللي ضاع…المهم اني و بكل ثقة فيها اعطيتها نسختي علما ان ما عندي نسخة غيرها…اليوم الثاني سالتها عن المفتاح عشان احط اغراضي في اللوكر الا اتفتجأ فيها تقول لي " اي مفتاح؟ انتي ما اعطيتيني اياه!!!!" قلتها كيف ما اعطيتج ياه ؟ فلانه و علانه كانوا معانا في الغرفة يوم اعطيتج ياه لو نسيتي اسأليهم و هم بيشهدون! الا تقول لي لا حبيبتي خلاص انا صدقتج بس ما عرف وين المفتاح!!!! ياااااااااااااا ربي اعطيني الصبر على هاي الحاله و هاي البنت ….المهم اني سرت رمست الادارة يعطوني المفتاح الاصلي اللي عندهم عشان اسوي لي نسخة .. و للاسف ما في لوكرات زياده و لا كنت باطلبيعطوني لوكر بروحي…شو رايكم يا حبيباتي يا بنات باللي صار معاي ؟ و كيف برايكم لازم اتصرف مع هاي البنت؟؟؟؟