حرام والله حرام يا بنات الإمارات الأصيلات ترانا إحنا التاجرات بنات بلادكم بعد

السلام عليكم ورحمة الله وبركاته

سامحوني بدش بالموضوع على طول خواتي

صدقوني أنا منقهره وايد وفيني الصيحه حرام ترا كلنا بنات البلاد وحتى إلي من برا البلد كلنا خوات وعرب شو صار بالدنيا

وين تفكيركن شو بلاكن ؟؟؟؟؟؟؟؟؟؟؟؟؟؟؟؟؟؟؟؟

ما راح أقول حسبي الله ونعم الوكيل فيكم لأنكم خواتي ومسامحتنكم بس أنا مقهوره

إحنا تاجرات ونخاف الله عندنا عيال وما نرضى بالحرام أبدا

شو بلاكن كل يوم ناطه وحده ماتعرف شي بسوالف التجاره ولا عندها خبره بأي شي وتتفلسف وتكتب وتغربل وتتحسب وتعي علينا

والي تدعي على إختها وماراح تسامحها ليوم الدين عشان 15 درهم عنبو لين يوم الدين ليش شو سوت بج المسكينه يالسه تترزق ومحد يعلم بحالها غير رب العالمين يالله حتى لو غشتج ما يسوى تعين عليها والإسلام أمرنا بالتسامح

والتاجره قالت لج بترجع طلبج بعد يعني عداها العيب

إلي يقهر مب هذا إلي يقهر إن إحنا خواتكم لازم توقفون معنا ومب ند لنا

ووحده تقول إنصدمت شريت شي بالمنتدى سعره 50 ولقيته برا 30 إنصدمتي عشان البنت تترزق ب20 درهم وانتي ما تدرين الهندي بكم شارنه يمكن شارنه

بدرهم أو درهمين أو حتى 5 دراهم لأنهم ياخدون بالجمله ويطلع لهم أرخص

يعني إتفيدي الأجنبي وتستخسرين بإختج 20 درهم عنبو إعتبريها صدقه

والي تقول شفت نفس الشنط بتايلند رخيصه مره أوكي سيري سافري وأشتري إلي تبينه مب كل البنات يرومون يسافرون بعدين التاجره ما عليها تكاليف السفر

يالله شو بقول من قهري خواتي حرام وخافو الله إنتو مب نحن إحنا خوات ولا شو ؟

البنت يوم تشتكي من التاجره تقول جنها عدوتها مب إختها بالإسلام شو صاير فيكن محد جبركن تشترن سيرو السوق براحتكم والله

بس لا لاااااااااااااااااااااااااااااااا لا لا تدعين على إختج حرام ما يسوى والله ما يسوى

والي تقول شريت بجامات وما عيبتني وعطيتها للشغاله إنزين شو يعني الشغاله مب بشر شو هذي الإهانات حرام والله حرام

طبعا وايد سوالف بس الله يستر عليكم ما نبا منكم شي بس لا تتحسبون علينا وتدعون بدون ما تكونو عارفين شي الله المستعان

وعلى فكره تسيرون باريس غاليري وغيره وغيره من الماركات وتشترون بالألاف كريمات وعطور وما تدرون شو أسعارها الأصليه لو تعرفون شو بتسوون يعني بتدعون عليهم ؟؟

والله أعرف بنات شرو كريمات من الماركات بالألاف بس خجه ولا نفعهم بشي
بس لا هذي ماركات وأجانب معروفين صح ؟؟ يعني عادي تعقون بيزاتكم عليهم وهم يغتنون من وراكم

بذمتكم ما تشوفون ما شاء الله تاجرات عندنا يوفرون لكم أحلى الماركات والمكياج وأرخص عن إلي هني بوايد بدال ما تشكوهم هذي يزاتهم

ما بقول غير الله يصلحكم وفكرو شوي قبل لا تعقون دعاوي وتحسيب على إختج المسلمه بدون سبب أو بدون ما تعرفون شي على شي ما يرزى

طبعت قهري ألحينه وسامحوني طبعا ما أقصد كل البنات بس البنات إلي عارفين نفسهن