أكيد الي بتقرا العنوان بتعرف المضمون……………….
انا حرمة اتسوق سيارة وتمشي في الشارع بس والله االي اشوفه في الشوارع حرررررررررررررام
الي لاحظته ان اكثر الحوادث الي تتسبب فيها الحريم سببها اخطاء شائعة وهي:
1- الخروج من فتحة جانبية بدون تفقد الشارع فاضي ولا لا وهاي الغلطة مميته لانها تعرضها لخطر الموت وتعرض غيرها بعد
2 – تلاقيها سايقة السيارة وترمس تلفون ولاداريه بالدنيا يعني عادي تلف على سيارة في الشارع
3- تسوق السيارة وراسها صوب يهالها ورا تصرخ في هاذا ولا تهزب هذا والسواقه الله معاها.
والمشكله انها تضر عمرها وتضر غيرها
حرام عليكن يالحريم يوم انكن سقتن السيارات وطلعتن الشارع ومااكتفيتو بالسيارات الصغيرة لا سرتن وخذتن اكبر السيارات انتبهو حق السواقه تراها هاي روح ومب رخيصة وحتى لو ماحدثت وفاة ترا التكسير والاصابات مب سهلة
خاف الله واتقينه ترا السواقه مو يعني دستي عالريس وشخطيها السواقه فن وذوق
اتمنى ماحد ياكلني من الموضوع شوفن الشوارع وبتعرف اذا كلامي صح
الله يهديكن كلكن
اتلاقينها قابضه خط اليسار وتتكلم بالموبايل او تسمع لج الراديو ومندمجه وعلى على بالها وتمشي 80 !!!!!
و تضربين لها فول ليت وهي خبر خيرررررررر وعلى بالها جنه الشارع مكتوب بأسمها زين امشي 80 او 60ومسكي خط الوسط والله اني دايما رايحه وراده للدوام واشوف العجب من بعض الحريم ما اقول الا الله يهديهن بس ويصلح حالهن ويردن بالسلامه لأهلهن وعيالهن
وبصراحه اختي مو بس بعض الحريم وبعض الشياب والهنود والسودانين يااااااااا قلبي بييني الضغط والسكري من سواقتهم
والسموووحه من الجميع
تعرفوون عاااااد شوارع راااااك ==========
حرمه ماسكه السيد اللي عاليسااار ونحن وراها قووولوا فوووق 4 سياراااااات وهيييييييي خبر كاااااااااااااان صح كانوا سياير عاليمين بس كل وحده وابعد عن الثانيه يعني تقدر تاخذ السيد اليمين ولا كانت اتسووف عال60 مادري 50
حسبي الله على بليسها
بس كل شي بايدين رب العالمين
الله يهديني صايرة وحدة من الشباب اسرع وناسية انه عندي بنات في البيت يتريني الحمدلله افسح لغيري بس مشكلتي السرعة حتى ريلي مايسرع شرواي لو يدري بيقعدني فالبيت