حركة الجنين

هلا كروشات شو الاخبار ؟
بغيت اسال كل وحدة عندها ولد وبنت …
*هل حركة الولد غير عن حركة البنوته؟
*وهل حركة الولد قبل حركة البنوته ؟
*ومتى تبدا الحركة عند الاثنين؟
**يلا خلونا كلنا نستفيد والي ما تعرف يكفي تدخل وترفع الموضوع ولا تنسى تدعي لكل حامل الله يسهل ولادتها ويرزق كل وحدة تبي تحمل بالذرية الصالحة يارب العالمين**

صباح الخير يسعدني اني اكون اول وحده ارد عليج،،،
انا في حملي الثاني والحركة في الاثنين مثل بعض،،،
والله يسهل على كل وحده حامل ويرزقنا بالذرية الصالحة يارب.

اممم مادري لوو في فرق بين البينت والولد ( ما أظن! )

بس غالبا تنحس الحركة عالاسبوع 16 أو 17 … وأحيانا ما تحسين فيها لين الاسبوع 20 ولا 21 وعقب شوي شوي تصير أقوى وأوضح =)

ممممم مااعرف لأني بجر

حبيت احط شرات موضوعج عشان اعرف

يالله بنات خبروووونا تجاربكم

السموحه

انا في اول حملين وكانوا اولاد كانت حركاتهم عاديه بس الحين حامل في بنت بأذن الله اشوف حركاتها اقوى واكثر من الاولاد …………بس انا لما رحت العياده قالت لي الدكتوره انه حجمها صغير عشان جذي تلعب على راحتها في بطني (الاخت عارضه ازياء وانا ما ادري ) المهم انا اظن انه ما يخصه الولد او البنت في الحركه هذا يعتمد على حجم البيبي وعظام جسمه

الله المستعان

أنا الصراحة لاحظت إن بنتي بدت بالحركة في الرابع…و ما شاء الله كانت حركية وايد….و الحين حامل بولد…أحسبه كسول…و كنت نص الخامس ويالله يالله أحس بحركة خفيفة مثل الدودة…و كنت خايفة…فسألت الدكتورة…قالتلي الولد أكسل و يتأخر في الحركة فلا تحاتين…و الحين في الخامس…يتحرك…بس حركات خفيفة…أقدر أرقد عادي…مو شرات بنتي…ما شي رقاد

انا عن نفسي ف حملي الاول كانت فيي بنت وحسيت بحركتها وايد متأخر..اما هذا الحمل ماشاءالله من الرابع حسيت بالحركه واكثر عن البنوته وقالولي انه ولد