شحااااااااااالكم كل بحاله حريم وبنات ؟
اليوم الله يسلمكم بقولكم سالفه وصراحه وايد اثرت فيني كنا مقيلين بيت عمتي وشحلاتنا سوالف وضحك قبل المغرب عموه تحب تظهر في الحوي تطالع الزرع وتفرش حصير تتفوال وتتقهوي عاد انا يلست وياها ويانا وحده يارتهم عيوز انزززززززززززززين الا نسمع لكم هايج الصراريخ والحشره وركيض انا قلبي وقف اقول شو استوي الا عموه تركض وهي تقول "غربل الله هالشيبه لي مغربلنا" وتطلع من البيت طبعا نا مب فاهمه شو السالفه تمت لين صلينا المغرب وردت البيت وخبرتني السالفه
يارهم شيبه وعنده ثلاث حريم مواطنه وهنديه وبدون المواطنه اكبرهم وماتقدر تمشي الا بعكاز والثانيات اصغر وكل يوم يتضاربن الهنديه والبدون ويوم تحايز بينهم العيوز ردوا ضاربوها المشكله انهم يوم يتضاربون يتمن يعايرن بعض بالاصل والفصل الهنديه تقول انا مواطنه وانتي مافيج اصل والبدون تقول للهنديه انتي هنديه وحتى ماتعرفين ترمسين وعيالهم تعلموا هالسالفه ويعايرون بعض الا ولد الهنديه والا ولد البدون تقول عموتي عيزت وانا افهمهم انتوا اخوان وجنسيتكم وحده ومب زين تعايرون بعض جدام الناس احين العيال يكرهون بعض ويحقدون على لي امهم مواطنه يحسون انهم احسن عنهم ودوم بينهم مشاكل والشيبه خلاص تقريبا مخرف الله يعافيه ومايدريبهم ولي متلعوز حرمته العيوز واخوانهم الكبار كل يوم الا في الشرطه مره متضاربين ويا بعض ومره متضاربين ويا عيال الفريج
احين منو يتحمل هالخطأ يوم الشواب يقومون ياخذون كم جنسيه ويبون عيال مايدرون بهم ؟ وشوفوا كيف سالفه المعاير بالاصل انتقلت لحريمه مع انهم اصلا مب مواطنات وشجا خربت بين الاخوان شو رايكم يابنات ؟ شجا ممكن هالاخوان مايسمعون كلام امهاتهم ويفهمون ان هالشي غلط ؟
المشاركة الأصلية كتبت بواسطة فله3 
ياااااااااارب والله يهديهم ويهدي امهاتهم لي مخبليبهم