لسلام عليكم ورحمة الله تعالى وبركاته
غالياتي اتمنى اللي عندها خبره ترشدني والدال على فعل الخير كفاعله
بداية احب اوضح انه انا عندي ام ولا اروع الله يطول عمرها و ماشاء الله حنونه ع الكل عيالها
وغير
عيالها ربي يخليها
لي ولخواتي واخويه وابويه يارب ويجعلنا بارين فيها وتعيش بيننا دوووم يارب
المهم
فيه وايدين ناس ماعندهم عيال والزمن خلاهم مقيمين في دار المسنين وفيه ناس فرّوهم
عيالهم في الدار
الحينه انا يتني فكره انه اولا ابا اعلم عيالي البر والاحسان وفعل الخير ف ابا اختار حرمه او اكثر
في الدار ونزورها زياره منتظمه انا وعيالي وانحسسها انه عندها عيال وانه الدنيا بعدها بخير
واذا شي قاصرنها انا مرّه متكفله ومستعده اوفر لها اياه يعني ابا اكون وياها ابا اكون مثل بنتها واعوضها عن
حرمانها وفنفس الوقت ابا عيالي يكونون مثل احفادها وتتعود عليهم وعلى زيارتهم واحيان
ازورها ويا خواتي او ربيعاتي يعني نعيّشها هي واللي وياها جو اجتماعي اسري
المهم ماعرف كيف التواصل مع دار المسنين هل اروح ولا اتصل واشرح للدار رغبتيه مش عارفه
كيف
ف رمست هليه وهم كلهم مرحبين بالفكره وخصوصآ الوالده والوالد مب شرط حرمه وحده عادي
اكثر من حرمه عادي بزورهن وجيه
بس اللي باقي انه اعرف كيف الزيارات هناكي فقلت اسألكن اذا وحده عندها خلفيه او تشتغل
فدار المسنين
او اذا وحده مجربه وتعرف اوتزور حد هناكي تساعدني وتكسب اجر ترى الدال على فعل الخير
كفاعله
وانا والله جاده في الموضوع
ومابا مدح المدح فالويه مذمّه وصراحه ماحب الاطراءات ابا ردود مقنعه تساعدني فعلا
وتحقق رغبتيه
والله انتي نفس فكرتي بس اخاف لو زرتهم اصيح وانا ادور على وظيفه في دار المسنين وان شاء الله خير والله يعطيج على قد نيتج والافضل بعد اذا مقتدره تكفلين يتيم والله بتحسين احساس روعه حبيبتي بارك الله فيج وسوي اللي تبينه كلنا نشجعكم والله يطول بعمر والديج وصح كلام الوالد مب شرط حرمه حتى لو ريال شيبه ترا الشياب يحبون اليهال وسوالفهم والله يسامح اللي يعقون ابهاتهم لاحول ولاقوه الا بالله ويشرفني تكونين صديقتي واختي بالله
وأأأأأأأأأأأأيد عيبني الموضوع…وأن شاء الله أختي تحصلي حد يساعدج فهذا الشي الجميل ألي يفرح قلوب المسنين….ودمتي بود
يزاج الله الف خير والله يفتح عليج . والله يحنن قلب عيالج عليج يارب
المشاركة الأصلية كتبت بواسطة دلوعه فزاع 
والله انتي نفس فكرتي بس اخاف لو زرتهم اصيح وانا ادور على وظيفه في دار المسنين وان شاء الله خير والله يعطيج على قد نيتج والافضل بعد اذا مقتدره تكفلين يتيم والله بتحسين احساس روعه حبيبتي بارك الله فيج وسوي اللي تبينه كلنا نشجعكم والله يطول بعمر والديج وصح كلام الوالد مب شرط حرمه حتى لو ريال شيبه ترا الشياب يحبون اليهال وسوالفهم والله يسامح اللي يعقون ابهاتهم لاحول ولاقوه الا بالله ويشرفني تكونين صديقتي واختي بالله
الغلا بخصوص الكفاله خاطريه اكفل ياهل بس مايكون يسكن عنديه
لانه عيالي انا اعرفهم مب من النوع الهادي فيهم شطانه ومشاغبين ف ماينفع بتم متلومه في الياهل
الا اذا بكفله ويكون عند امه فهالحاله ممكن والله يجعلنا من المتحابين فيه يارب
الطوحه وبنوته اشكر مروركن غالياتي وان شالله يكون موضوعي استفاده لنا جميعا يارب
بداية اشكرج على روح المبادرة هذي و أتمنى من الكل يقتدي فيج أما عن موضوع الزيارة… أنا بقولج… سيري وبالعكس هناك الموظفين راح يرحبون فيج… أنا سرت لهم مرة
وسألتهم عن الزيارات والعمل والتواصل مع المسنين وهم وايد رحبوا بالفكرة وقالول بالعكس نحن ننتظر حد يزورهم وما ينساهم… سيري وتوكلي على الله واللله يجعل الخير الكثير فيج وفي عيالج وفي كل من يقتدي فيج أن شاء الله ويكون كله في ميزان حسناتج…
وسألتهم عن الزيارات والعمل والتواصل مع المسنين وهم وايد رحبوا بالفكرة وقالول بالعكس نحن ننتظر حد يزورهم وما ينساهم… سيري وتوكلي على الله واللله يجعل الخير الكثير فيج وفي عيالج وفي كل من يقتدي فيج أن شاء الله ويكون كله في ميزان حسناتج…