اشكــــــــــــــر كل اللي وقف وياي وساندني سواء بدعاء او بنصيحه
الله يفرج عليكم ياربي ويوسع عليكم مدخل رزقكم ولا يحيجكن لمخلوق
اللي ما تعرف الموضوع
هذا رابط موضوعي
https://forum.uaewomen.net/showthread.php?t=831455
المهم الغاليــــــــــــات بعد تشجيع منكن واللي نصحني اني اسير اتابع ويا ….. واقدم في كذ جهه
خذيت اجازه من الدوام يوم الخميس ورحت ابوظبي بس للاسف ما حصلت المكان المطلوب اللي لازم اقدم فيه اوراقي ورجعت بس اصريت اني اروح ولا ايأس
رحت الاحد وسرت للمكان المطلوب وانا ادعي واستغفر ربي انه يسخرهم لي
بسسسسسسس المفاجاة ماحد رضى ياخذ اوراقي يقولون الحن ما نستلم (اعرف انه الموضوع يباله واسطه ) حاولت ويا البنات ما طاعوا قالوا لي روحي …….
وسرت ……… وخذت رقم وانتظرت دوري
ويوم رحت خبرتها اني مقدمه من اكثر من سنه ويبت الاوراق اللازمه وكنت اشيك عن طريق موقع ….. كان قبل يطلع لي حالة الطلب جديد بس عقب يوم رديت اشيك ما احصل اي شي عن الموضوع
قالت عطيني رقم الخلاصه وقالت انتي فلانه قلت لها هيه قالت لي (طلبج محفوظ ) قلت لها شو يعني محفوظ قالت يعني انه انرفض >>>>>>>>> انصعقت قلت لها ليش
تتوقعون ليش انرفض
السبــــــــــــــــــــــب
بسبب وجود فائض في الراتب >>>>>>>> قلت لها كيف فائض انا يبقى لي 2700 كيف فائض لا يكون شافوا في شهادة الراتب 140,000 اميه واربعين الف بدل 14000
قلت لها اختي انزين برد اقدم قالت لا خلاص ما بيقبلون قلت باي حق اللجنه تقول عندي فائض لا عقار عندي ولا شي
المهم قالت ما يخصني راجعيهم
ما اقول غير حسبي الله ونعم الوكيل
دعواتكم الغاليــــــــــــــــــــــــــــــــــــات
وبعدني بحاول
ربي يكون في عونكم
سبحان الله الواحد يتحرى مشكلته من اكبر المشاكل فهالدنيا
لكن يسمع ويشوف اللي اصعب عنها وتهون عليه مصيبته
ربي يصبرنا يا ختيه والحمدالله ع كل حال
وعقبال ما تبشرينا يالغاليه
المشاركة الأصلية كتبت بواسطة هتون الامل 
( ( فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا ) )
صدق الله العظيم ، و هل أصدق من الله قيلا
الرزق يي من رب العالمين ,, لا من الديوان ولا من الناس .. 
ربي يرزقكم من حيث لا تحتسبون
استغفر الله العلي العظيم وأتوب إليه