حضانة ****** ,,, الله يسامحهم

مرحبا خواتي،،

أنا عندي ولد عمره أكثر من سنتين ونص .. اضطريت أدخله الحضانه لأنه حالته كانت تستدعي
وماخليت حضانه في دبي إلا وسألت عنها !! وسرت أغلب الحضانات اللي جريب مردف

ما ناسبتني إلا حضانة ****والحمدلله ولدي وايد تحسنت حالته .. بصراحه كلمة ممتازين شويه عليهم
الفضل لله ثم هم إن ولدي تحسنت حالته واستوا طبيعي بنسبة 80% .. كنت زايغه يطلع فيه توحد ..

طبعا هم يوم شافوا حالته حطوه في كلاس الاحتياجات الخاصة .. لين هنيه والأمور تمام .. وخلصت السنة الدراسيه وجريب بتبتدي السنه اليديده

المشكله إنهم رفعوا أسعار الرسوم الدراسية .. كل الكلاسات زادوهم 1000 على السعر القبلي
قبل كان التيرم بـ6500 والسنه فيها 3 ترمات … بعد لين هنيه مب مشكله … بتقولولي وين المشكله عيل؟

المشكله إن كلاس ولدي بس استوا سعره دبل!!! تخيلوا
يعني استوا سعر الكلاس 12017 للتيرم الواحد !!! يعني 36000 !!! حسبي الله ونعم الوكيل

والله لو مب حالة ولدي اللي تستدعي إنه يكون في الحضانه جان دخلته أي حضانه ثانيه
يقولون إن عدد الطلاب شويه مقارنة بالكلاسات الثانيه !! وإنهم ما يدخلون أرباح من ورا هالكلاس !!!
يا إنهم يصكون الكلاس !! أو إنهم يقللون عدد المدرسات وما بتكون نفس الخدمه !! أو إنهم يزيدون السعر !!

الحين أنا مب عارفه شو أسوي ؟! أو وين أودي ولدي !! لأن هالمبلغ فوق إمكانياتنا

اللي تعرف حضانه ممتازه يزاها الله ألف خير تخبرني … وادعولي إن ولدي حالته تتحسن
وإن الله يسر أمورنا إذا ما حصلنا حضانه ثانيه

ان شاء الله الامهات بيفيدونج

ليش عاد هالاستغلال الله يسامحهم … ان شالله يارب تحصلين حضانة احسن عن هالحضانة
ومايكون استغلاليين ..

استغلاااااال

سِبحآنَ اللِهَ ؤ بحمَدهَ , سِبحآنَ اللِهَ العظيَمْ

اي ربح ما يحصلونه من ورا الكلاس

هذا قمة الربح والاستغلال

وين الوزارة عنهم ؟؟؟؟؟؟؟؟؟

حسبي الله ﻻ اله اﻻ هو عليه توكلت وهو رب العرش العظيم ♡

الله يوفقج يارب