بنات .. انا جربت تقشير السي او تو .. عند سعاد لطفي و مانفعني ابدا ..
فابغي اعيد التجربه بس عند شخص متمرس و فاهم و محترف يعني ..
سعاد لطفي مشكلتها انها مب هي اللي تسوي الليزر
يعني دكتوره هنديه هي اللي سوت لي الليزر .. وواضح انه ماعندها اي خبره ابدا .. لانها كانت تراويني ويهي و تقول زين ولا اعيدعليه ..
كنه نقش حنا .. مب ليزر ..
المهم ما علبنا .. قدر الله و ما شاء فعل ..
ابغي رايكم في افضل عياده
… و شو رايكم بكلدراي … و فتح الملف كم يكلف و جلسة الليزر الوحده عنده كم تكلف ..
و شكرا مقدما
استخدمتي العلاجات اللي توصف لج اياها الدكتوره بشكل منتظم؟؟؟؟
تستخدمين روكوتين او علاجات تقشيريه او رتن A ؟؟؟؟
هل تم تبريد البشره بعد العمليه على طول؟؟؟؟
هل تم استخدام المخدر على البشره قبل البدء باستخدام الجهاز؟؟؟؟
استخدمتي الواقي الشمسي ؟؟؟؟ وكم مره باليوم؟؟؟
الدكتوره قالت لج بينفع حالتج بشكل كبير واللا ماراح ينفعج وايد
هل احمرت البشره بشكل كبير؟؟؟
هل حسيتي الحراره مقبوله وتقدرين تستحملينها ؟؟؟؟؟
كل هاي اسئله مهمه جدا انج نجاوبين عنها عشان تعرفين هل تلقيتي العلاج هذا بشكل صحيح واللا لا وعشان يكون عندج فكره عن خطوات ومراحل العلاج وتابعينها بدقه
هي قالت لي 3 جلسات .. و سويت جلسه وحده و سرت لها لان ماستفدت بالعكس حسيت ان الحفر تعمقن اكثر ..
قالت لي انها مارح تسويلي الجلسات الباقيه .. و ان المفروض اسوي فيلر كل ست اشهر
و هالعلاج مستحيل بالنسبه لي لانه مؤقت ..
استخدمتي العلاجات اللي توصف لج اياها الدكتوره بشكل منتظم؟؟؟؟
ماعطتني اي علاجات .. عطتني غسول بشره .. استخدمته مثل ما قالت ..
تستخدمين روكوتين او علاجات تقشيريه او رتن A ؟؟؟؟
نهائيا …. لكن عقب ما قالت استخدمي الفيلرز بديت استخدم تقشيرات نفس التي سي ايه … و احماض الفواكه و الخ ….
هل تم تبريد البشره بعد العمليه على طول؟؟؟؟
تبريد ؟؟؟ لا … بس حطولي كريم مال الحروق ووصفولي اياه و اشتزيته ..
هل تم استخدام المخدر على البشره قبل البدء باستخدام الجهاز؟؟؟؟
هيه حطولي مخدر املا .. اساسا لما وصلت قالت لي البنيه اللي ع الريسبشن .. ان المفروض انا بنفسي احط لي ونا في البيت .. يعني مادري شو العياده الغريبه … عموما اساسا محد فيهم خبرني بهالشي فالدكتوره الموجوده حطتلي المخدر ثم استخدمت لي الليزر …
استخدمتي الواقي الشمسي ؟؟؟؟ وكم مره باليوم؟؟؟
استخدمت الواقي .. بس حسيت ان ويهي وايد دهني .. لان الكريم فيه واقي بنسبة 100% .. ونا عارفه طبعا انه مارح يحمي البشره من الشمس اميه بالميه .. لكني خذته و استخدمته ..
ماغسلت ويهي لمدة يوم .. حسب ماهم قالولي ..
لكن عقب غسلت ويهي و بدا الجلد ينزل ع شكل خيوط يعني نفس الحلد الميت اللي يطلع مع الحمام المغربي ..
الكريم الواقي كنت استخدمه الصبح .. اساسا ماكنت اطلع من البيت ابدا … لو كنت اطلع كنت بستخدمه كل اربع ساعات …
الدكتوره قالت لج بينفع حالتج بشكل كبير واللا ماراح ينفعج وايد
هل احمرت البشره بشكل كبير؟؟؟
قالت بيختفن كل الحفر عقب الجلسه الثالثه ..
لكنها غيرت رايها بعد اول جلسه ..
اما البشره وااايد احمرت .. و كان فيها شوية دم …
هل حسيتي الحراره مقبوله وتقدرين تستحملينها ؟؟؟؟؟
انا من النوع اللي يتحمل حتى الحروق .. هو كان نفس الحرق بالضبط .. اقصد الاحساس …
اذا اخترتي عياده ثانيه تسوين عندها اسئليهم عن كل صغيره وكبيره بشكل تفصيلي لان هذا حقج مقابل المبلغ اللي بتدفعينه …..شي دكاتره يفرحون يوم المريض يسالهم اسئله كثيره واذا ماكان عارف يسال يقولون له مافي شي تبغي تسال عنه ؟؟؟؟ويعطونه الكرت مالهم عسب لو يا في بالهم اي سؤال عقب ما يطلعون عنه يقدرون يتصلون يسئلونه عن اي شي ويرد عليهم
مارتحت لها ..
احسن ادورين مكان ثاني