كيك أمريكانا( العلبة الكبيرة) فانيلا أو كاكاو حسب الرغبة
بسكويت جلوكوز
في الخلاط:
1 قشطة
1 كريم كراميل
4جبن كيري
2ملعقة صغيرة كاكاو
للتزين:
توفي(سكر محروق +قشطة)
شوكولاته مبشورة بيضا أوسودا (حسب الرغبة)
لوز أو فستق (حسب الرغبة)
الطريقة:
تقطعين الكيك شرايح رقيقة بالطول وكل شريحة تقطعينها إلى ثلاث مستطيلات (أكبر من قطعة البسكوت بشوي)
تحطين شريحة كيك وفوقها من خلطة القشطة وفوقها شريحة كيك ثانية وفوقها بسكوته بعد ما تشربينها بماي شوي وفوقه توفي شوي (بس في نص البسكوته) وتزينينها بلي تحبينه يا شوكولاته أو لوز أو فستق
ممكن تنوعين فالكيك يعني تحطين فانيلا مع شوكولاته
أو شوكولاته وتستغنين عن الكاكاو فالقشطة
وممكن تقطعين شرايح الكيك على شكل دوائر يصير شكلها أحلى بعد
أتمنى تعجبكم
مجربة
حللللوة والكل بيسألج عنها
بس عندي سؤال ..البسكوت تحطينه مثل ماهو ولا تكسرينه
وان شاء الله اتفيج واسويه وبصوره ان شاء الله
بس بحط طبقة بسكويت فوق الكيكة وعقب بحط الخلطه وبكررها
ويعطيج العافية عالسويت الحلو
شكراً على مرورج
تخلين البسكويت نفس ما هوه بس تشربينة بشوي ماي عشان يصير لين وتحملي ينكسر منج
إن شاء الله يعجبج:22 (21):
ياليت توضحين ليه ..
و مشكورة الغالية ..
بس لو مع الصور كان أحسن كنا بنستفيد..
دمت بود..
