سويت لكم حلبه بالحبه الحمرا ..المطلووبه واايد .. وفيه ناس تشتريها .. وهيه سهله جدا .. طبعا هذي الاكل مفيده جدا للحرمه المربيه .. والي ترضع .. تكثر الحليب في صدرها .. ومفيده جداا للاطفال .. ومفيده جدا جدا لزيادة الوزن .. وانا واحده من الناس زدت عليها 12 كيلو .. و بنسبه للي يبون يزيدون وزنهم لازم تتريق وتتغدى وتتعشى .. والحلبه تشربها بين الوجبات لها مفعوول سريع ومفيد .. وطبيعي جدا .. وليكم الوصفه بصور ..
احنا بنقايس بالمعلقه هذي مال الاكل …
ثلاث معالق حلبه … وثلاث معالق حبه حمرا ..
وبعد ما نغسله زين نقايس اربع اكواب ماي .. مثل هذا الكوب
ونخط عليه معلقة نص ملقعة قرفه .. ( اختياري )
نحطه على الغاز ونتركه يغلى ساعه الى ربع
الحين نجهز الخلطه ..
3 ملاعق حليب بودر
3 ملاعق مهلبيه
ثلاث ملاعق طحين ابيض ( رقم واحد )
الحين الحلبه والحبه الحمرا استوت ..
نجب الخلاط ( المهلبيه وطحين والحليب بودر ) كله في الحلبه والحبه الحمرا ..وتقلبينه بسرعه بسرعه علشان ما يمسك في بعضه .. وما تتركينه ابدا .. الين ما يغلي .. وبعد ما تحطين الخلاط بتثجل بسرعه .. علشان جيه جهزي كوبين مااي .. واول ما تجثل على طول جبى الماي وستمري بتحريك .. ولو حسيتي ان بعد غليظ زيدي ماي ..
ويوم يغلى تجبين كوب سكر نفس هالقياس ..
تكبين السكر فوق الحلبه ..
تقصرين على الغاز .. وتخليه يغلى مع نفسه
الحين خلصنا .. وصلنا لسمك لا هو غليظ ولا هو خفيف .. يعني معتدل ..
وهنيه انا خلصت وجبيته في كوب
والف هنا
اذكر شربته في عرس
كااااااان لذيذ تسلمين وجاري تطبيق
اتخيل طعمها رووعه
بس نا ما بسوي كميه واايد بسي من كل شي ملعقه
لان بس انا بشرب محد يريد يمتن هالايام
بس ريحت الحلبه كيف ؟؟!!
ع طووول بعطي الوصفه ربيعاتي اللي يبون يمتنوون هــ ع