♥ ۝ண√ حلــوى الساقـــو بالمكسرات √ண۝ ♥

شحالكم جميعا…

طبعا كل وحدة طريقتها في صنع الساقو غير,,,
ونحن نحبه بهيل وزعفران ومكسرات,,,كأنها حلوى^,^
والناس اذواق,,,والحمدلله كل اهلي عيبهم,,,وان شاءالله اللي تجربه يعيبها..

المقاديــــــر:

2ونص كوب ساقو منقوع بماء حار من نص ساعة الى ساعة
2ونص كوب سكر
75جم زبدة
مسحوق الهيل(( فالمطحنة نضع ملعقة سكر و2ملعقة حبات هيل ونص ملعقة خيوط زعفران))
5 كوب ماء
نص كوب مكسرات غير مملحة ومن كل نوع (( نص كاجو….نص فستق….نص لوز))

الطريقة,,,

1….نحط السكر فالجدر,,,الى ان يذوب تقريباويصبح لونه قريب من الكراميل البني,,بدون مايحترق

2….تضاف قطعة الزبدة,,,راح تفوووور وياج,,وتضيفين اول كوب ماء بالتدريج

3….نضيف مسحوق الهيل والزعفران,,وباقي الماء(( 4كوب))
فالبداية بتلاحظون انه السكر يتكتل,,بس عادي,,خلال ربع ساعة مع التحريك,,ونار عاليه,,,بيذوووووب

4…تتأكدين ذاب السكر كله,,من دون اي كتل…
اتحطين الساقو المنقوع,,,بس قبله حركيه بمضرب او شوكه,,
مع اضافة المكسرات,,,,خليهم على نار هادية

5…. بعد مرور ساعة وربع على نار هادية,,او حسب نضج حبات الساقو,,,يقدم مع تزيين بسيط ,,

صراحة,,ريحته حلوة,,مثل طعمه,,,

فالختام..دعواتكم

يعطيج العافية

ويسلم الايادي ..

.
.
.
.

يمي يمي يعطيج العافيه
ما شاء الله شكله لذيذ ^^

تسلم ايدج ذكرتيني برمضان امي دوم اتسويه وفعلا لذيذ

تسلم إيدج أختي ، وايد أحب طبخج أحسه مرتب ولذيذ

ما شاء الله عليج روووووووعه الصراحه احب الساقو ^^