جبت لكم حلى من اختراعي
يعني حلى ماحصل فعلا
بس فيه ميزه يأما يضبط معكم ويأما يضبط بعد
يعني حلى سهل وسريع ومايفشّل لالالالالازم انه يضبط
نجي عالمقادير
نص كيس معجون تمر
نصف كاس طحينيه سايله او علبة حليب سايل بوني المراعي ….
6حبات جبن كيري
6ملاحق حليب بودره محموسه لدرجة التشقير
علبتين بسكوت شاهي حجم 110جرام مطحوووونه
ملعقتين زبده او سمن نباتي
حبات شيكولاته هرشي
نجي للطريقه
على النار نحط الطحينيه او الحليبي في قدر مع الزبده ونضيف معجون التمر ونحركه حتى يصبح متجانس وناعم وتذوب الكتل
نضعها في اناء بلاستك ونضيف عليه بقية المقادير
الحليب والجبن والبسكوت المطحون ونبداء في العجن
ويمكن ان توضع في كيس شفاف (كيس لحم) وتعجن بسهوله اكثر
بعدها نقوم بتشكيلها على هيئة دوائر ونضع فوقها حبة شيكولاه
ممكن نضع عليها خطوط بالطحينيه السايله او الحليب المحلى
وبالعافيه
على فكره الحلى هذا ماله اسم عشان كذا فيه ناس سموه حلى النحله
يعني تقدرون تسمونه زي ماتبون
وممكن انكم تكورونه بالفستق فيكون لونه اخضر او بجوز الهند فيكون لونه ابيض او تخلونه بشكله العادي وممكن يكون في صنيه وحده بس عدة الوان والمستعجله ممكن تفرده في صنيه مدهونه وتقطعه مربعات
يعني حلى مرن بمعنى الكلمه
وطعمه لذيذ جدا
لانه ببساطه كل وحده من المواد المضافه له تخلي طعم التمر جنان
وماياخذ وقت واكييييد راح يظبط ان شاء الله
وتسلـــــــــم ايدج
شكله لذييييييذ
شاكره مروركن الكريم