السلام عليكم ورحمة الله وبركاته,,
عرايسنا وبناتنا ف هالمنتدى ,, عندي مشكلة وايد مضايقتني واللي مكرهتني في شي اسمه جلوس
او روج,,
المشكلة يا بنات ان كل ساعة تقريبا تظهر ع شفايفي (الشفة السفلى) طبقة بيضة من بداية الشفة
لنهايتها ورت بسبتها اكره احط روج ولا جلوس لان عقب فترة ويوم اجيك بالمنظرة اجوف هالطبقة
والله اتغصص وما احب احط شي عقبه لا روج ولا غيره
جربت احط فازلين واحس المشكلة ما انحلت,,
بليز اللس عندها حل تفيدني,, الله لا يحرمني منكم
بانتظار ردودكم
ان شاءالله يساعدوونج
ادهني فازلين باليل ولما تقومين الصبح على طول فرشي اسناسنج وحكي شفايفج بالفرشة .. عسب تشيلين الجلد الميت .. هاي طبقات من الجفاف سببها : الجفاف واستخدام الليب قلوس باستمرار .. لاني ظهرت معاي المشكلة مع الليب قلوس ..
همم الي اعرفه انه القلوس الماركه ما يطلع ها الطبقه بسرعه
يعني على حسب
قلوسات مكياجي اتطلعهن عقب ساعه ونص تقريبا.. وطبعا ها الشي مب حلو فأنا اسير ايب كلنكس أبللها بالماي وامسح الطبقه البيضه من شفايفي وارد احط من يديد..
يعني على حسب
قلوسات مكياجي اتطلعهن عقب ساعه ونص تقريبا.. وطبعا ها الشي مب حلو فأنا اسير ايب كلنكس أبللها بالماي وامسح الطبقه البيضه من شفايفي وارد احط من يديد..
والماركات الثانيه شرات جيفنشي ، و لانكوم وغيرهم بعد 3 أو 4 ساعات بالكثير بتظهرلج طبقه بس خفيفه ..
وشرات ما قالوا لج الفازلين مفيد لكن استخدميه فليل لانه يسمر البشره الصبـح .. وموفقه