السلام عليكم و رحمة الله و بركاته
شخباركم عسولات؟ عساكم بخير ^__^
طبعا معظمكم يعرف فضل قيام الليل
بس المشكلة إنه وااايد ناس يتعايزون ينشون يصلون هالصلاة
مع إنها تفتحلج أبواب الخير
و تسهلج أمورج
و دعوتج تكون غير فيها
و مب مثل باقي الصلوات ف اليوم لأنج تكونين فاضيه
تصلينها بخشوع شديييد
و تدعين ف كل سجدة
و تحسين بالهدوء و رب العالمين يالس يسمعج
فشو رايكم نسوي حملة عسب نشجع بعض؟ ^^
الصراحة انا مداومة عليها من قبل رمضان
بس احيانا أقطع و انا مابا اقطعها
فلو كان حد ويايه احس كلنا بنتشجع ^^
و من البارحة شديت الهمة و قلت ما بقطعها لو شو ما صار
و لا بتهايز
لأنه كله أجر
و عن تجربة دعيت شي.. و ف خلال يومين بس
و الله يا بنات يومييين بس من قيام الليل و الدعاء و الاستغفار
تحققلي هالشي ^___^
فحلو الواحد يداوم على هالأشيا
عسب أموره تتيسر و يحس بالراحة ^__^
فيلا منو وياي؟
و اللي تصلي خل تكتب إنها صلتها ^^
وياج ان شاء الله يالغاليه ، ان شاء الله هالموضوع يشجعنا عالإلتزاك بالقيام ..
انا ساعات اصلي ساعات لا ..
بس موضوعج شجعني والدال ع الخير كـ فاعله و عسى ربي يكتبلج أجرنا ..