إن كان للجمال >تاج< فنحن ملكاته
احنا على مشارف رمضان الله يعوده علينا بالخير والبركات ،، من عقبه الله بيبلغنا بعيد الفطر ان شاءالله ,, وبعده بفتره بسيطه ان شاءالله عيد الاضحى ,, فاليش يابنات مانبدي من اليوم ونشجع بعضنا على الاهتمام بالنفس ,, ويكون هالموضوع اهو تجمع لنا نشجع بعضنا فيه كل وحده تحط خلطات وتجاربها اوتنقل لنا تجارب معارفها ,, وبالاخير نحدد الخلطات والطرق اللي راح نستقر عليها من خلال جدول كل وحده تحطه توضح من خلاله يومها في الاهتمامها بنفسها وعنايتها للشعر والبشره واذا حابين كلنا نمشي على جدول واحد هم هشي حلو ,,,
باهتمامنا وعنايتنا نبي نكون مثل لمعة اللؤلؤ وبريقه عشان جذي اخترت اسم حملتنا (( كوني كاللؤلؤ مع نيولوك العيد ))
أهداف الحملة او التجمع:
1-العبادات وقراءة القرآن الكريم والذكر
2- الاهتمام بالجمال والعناية الشخصية
3- معرفة أن كل إمرأة تمتلك الجمال الكافي لتكون ملكة ولكن يجب أن تبرزه
:::المطلوب مني ومنكم:::
1- جدية المشاركه بالتجمع .
2- المشاركه بالتجمع عن طريق وضع تجارب العنايه وبالاخير وضع الجدول التي سوف تستقرون فيه للعنايه .
3-تشجيع العضوات بعضهم لبعض .
4- على كل مشاركه وضع التوقيع الخاص بالتجمع (( قريبا راح احطه لكم وهو من تصميم العضوه بقايا حلم <<< الف شكر لها ))
5- عدم التطرق الى اي موضوع يخالف محور موضوعنا .
::: اختكم :::
::: miss q8 :::
بنات بليز اللي بتشارك معنا تقول انا بشارك
الغذاء الصحي احسن من الحبوب اللي ما تعطينا الفايدة مثل الفواكه والخضراوات والمصادر الطبيعية
فتح الباب
8 فلاصات ماي حق بشرة صافية بدون جفاف وجسم رشيق وشعر صحي
ثاني شي:
ثالث شي
[/QUOTE]
و اهم شي رياضة المشي و شرب الماي وايد ة اكل خضروات و الفواكهة و شاي اخضر
و الماسك الي احطة دوووم فويهي روووووووووووووعة عن التجربه بطاط و يا حليب نيدو اخلطهم و خلاف احطه فووويهي ^^
بنات بليز اللي بتشارك معنا تقول انا بشارك
المشاركة الأصلية كتبت بواسطة منار123 
7
انا ناويه باذن الله الواحد الأحد اني أسوي برنامج عناية خااص فيني باذن الله خاص للوجه والجسم والشعر طوال العطلة ،
بس بالاول قلت ماقدر أجيس شي الا لما اخلي بشرتي مافيها ولا حبه
و بما ان مشكلة حب الشباب مشكلة الأغلب أو البعض يعاني منها وانا شخصيا عانيت وبدت تطلع فيني من سينن واختربت بشرتي خصوصا من الحـــــــــف ولانفعت وياها أدويتي وهي تنفع شوي بس يبيلها مدة طويييييييييييييلة وانا شخصيا اكره المواد الغير طبيعية
فقلت راح أسوي حملة خاصة لكل البنات الي يبون يفتكون من حب الشباب وبلاويه ويبون بشرتهم تصير صااافيه وبنفس الوقت بيضه وحلوه وانا وياكم وكل كلمه بطبقها ان شاءالله
راح أشاركم بكل شي راح أسويه حق الحبوب والبشره وابيكم تطبقونه وياي وباذن الله بيكون علاج أكثر من رائع بس طبقوا كل حرررف.
الفتره تستغرق شهر وشوي
يعني 5 اسابيع
راح أبلش على طول وطريقة العلاج الي راح أتبعها انا ان شاءالله : جهزوا ورقة وقلم وسجلوا :
أول اسبوع:
– أغسل بالسدر كـ غسول مع تفريك وتدليك خفيف مرتين باليوم قبل النوم وعند الاستيقاظ من النوم .
-والسبت والأثنين و الأربعاء والجمعة أحط السدر كـ ماسك مخلوط مع المرّه المطـحونه 20 دقيقة لين ماينشف وأغسله بماي دافي شوي وبعدين يتغسل الوجه بماء ورد .
(شرب ماء بكثرة مهم أثناء فترة العلاج )
الاسبوع الثاني :
-راح تكون البشره شوووووي جفت موحيل من المره والسدر وهذا هو المطلوب لاتخافون عشان تنشف الحبوب والحين لازم نبدا نخفف الاستخدام شوي > -السدر راح يصير غسول مره وحده باليوم اول مااقوم من النوم….
-والمره نحطها ببطل يكون فيه ماي ورد شووي ربع البطل وننقعها فيه لين مايمتصها الماي وبقطنه ناخذ شوي ونمسح فيها الوجه كله ونركز ع الحبوب (يوميا) .
– بايام الـ سبت والأثنين والأربعاء والجمعة نحط قناع قبل النوم عبارة عن ( نص قفشه من لوز مطحون (موجود بكل المطاحن ) + بياض البيض ) وهذا القناع يصكر المسام الي ممكن يكون منفتح شوي من المره لانها عالجت وبنفس الوقت يبيض>> اذا ماقدرتوا توفرون اللوز حطوا بياض البيض بروحه بدون اللوز .
– قبل النوم زيت جنين القمج دهنة خفيفه تحت العيون يخفف الهالات السودا
( شرب ماء بكثرة مهم أثناء فترة العلاج )> أكررها لأنها نقطه مهمـــــــــه جدا جدا جدا وكل طبيب جلديه يقولها
.
الاسبوع الثالث :
– مـاسك السدر والمرّه يوميا بأي وقت باليوم .
– زيت جنين القمج الأصلي يدهن به تحت العيون عشان تخف الهالات السوداء .
– لوز + حليب > يوضع كقناع طوال الاسبوع ماعدا يوم الخميس مانحط نريح فيه البشره شوي .
( شرب الماء بكثرة مهم أثناء فترة العلاج )
الاسبوع الرابع (( مرحلة التخلص من الآثار )) وإذا الحبوب ظلت موجود (بحجمها القديم ) يعني ماكو تحسن >>نظل نغسل السدر يوم غسول ويوم ماسك لاسبوع اضافي !!بعد الاسبوع الثالث وحتى لو ماراح لاتيأسون وكملوا لي الرابع .
الحين نبلش بالاسبوع الرابع حتى لو كان فيه حب لاتياسون كملوا للنهاية :
– قفشة كبيره من الهردة (طحينية ) + قفشة صغيره مره مطحونه > نخلطهم عدل في كل يوم ونحط قناع يومي يترك لمدة ثلاث ساعات ع الوجه
وهذا السر في اخفاء الاثر ..وبعدها نغسل البشره بماي دافي وبحركات دائرية هالحركة مع المساج مهمة نسويها بكل قناع نحطه .
– لوز+ حليب >قناع يوميا ماعدا الخميس .
– زيت جنين القمح قبل النوم ندهن فيه الهالات السوداء.
(شرب ماء بكثرة مهم أثناء فترة العلاج )
الاسبوع الخامس :
-هردة (طحينية ) بدون مره ع الوجه كل يوم وترك وليــس يوميا ونتركها لمدة نص ساعه كافي
– لوز + حليب قناع يومياً .
– أثناء النهوض من النوم نرش ماي ورد عل الوجه > لازم نكون حاطينه بمرش خاص .
وباليوم الي بعد الاسابيع هذي على طول نسوي تقشير خفيف بالسكر وعصير البرتقال عشان نجدد البشره ونشيل الاثار الي بشرتنا القديمه والي تبيه تسويه اسبوعيا بعد العلاج شي حلو ومفيد جدا وانا شخصيا راح اسويه اسبوعيا بعد العلاج ان شاءالله ، وهو كـالآتي:
1قفشة سكر + قطرات من عصير برتقاله وناخذ ونفرك الوجه ونظل نفرك لمدة عشر دقايق وبلطف من غير تجريح ونغسله بماي ونحط مرطب غير عطري ويفضل زبدة كاكاو لو موجوده عندكم أو فازلين بالكاكاو اليوم الي وراه نحط قناع عسل فقط و لمدة 3 ايام .
وبــث ^^
ومعلومه حلوه لكم بعد ماتخلص هالاساابيع ال5 هذي ظلوا رشوا ماي ورد يوميا اول ماتقومون وقبل لاتنامون ومتى ماجابلتوا المنظره خلوا الرشاش مووجوود دايميا وكل ماخلص عبووه هالنقطه حلوه عشان البشره تصير بيبي .
مـــــــــــلاحظات مهمة جداً :
1-حاولوا قد ماتقدرون تمتنعون عن الشيبس والدهنيات القوية + الشوكولاته بس بس بهالفترة بالعلاج لان اهي ساس البلا اسابيع يعني مانقدر نتحمل ؟؟ مانقدر نعوضها بفواكه ؟؟ الفواكه والخضار الي اهي سر جمال بشرة السوريات ماشاءالله
2- امتنااع تااام عن مستحظرات التجمييل والحف في هالفتره بس استحملوووو عااد وحتى الشمس خففوا الطلعات فيها
يعني طلعوا بس تجنبوها موبكثره وحطوا حماية عادي بس مو القوي يعني تركيزه تحت ال50% وخلوا طلعااتكم ليلية .
3- حتى بأيام الدورة نستمر على تطبيقنا هذا ومانهمله من الكسل لأ نشد حيلنا ونكمل .
4- زيت جنين القمح ظلوا استعملوه للهلات السوداء حتى بعد فترة العلاج ليمه تخلص العلبه ترى ممتاز بدال ماتقطونه كملو عليه للآخر .
وعلى فكرة موبس الي فيها حب شباب تقدر تبلش ويانا
أي وحده تشتكي من عدم توحيد لون أو آثار أو نمش أو أي شي أو ماكو نضاره
حيااهاا الله وياانا
وانا أكيد ومليون بالاميه مطبقه النظام من 1-7 بدووون تفكير باذن الله تعالى
ووالله حطيته عشاان تستفيدووون وتطبقوون وياي وأزيد فيكم الحماس
ولأن كلها 5 اسابيع
والنتيجه انا حاسه انها بتبرد جبوودنا ان شااءلله وتونسنا
.
كل كلمة وكل نصيحة ذكرتها راح أطبقها انا بعد في العطلة والي تبي تنطر تشوفني شصار وياي واقولها على راحتها لكن أنصحها بشدة ان ببداية العطلة الصيفية أفضل فترة نقدر نعالج فيها خصوصا هالعطلة الي فيها ارمضان -الشهر الفضيل – راح ننشغل شوي .
وبضيـف شي أخير انا ماسويت هالمخطط هذا من مخي
كل شي له فايدته بطلوا قوقل وشوفوا شفايدة السدر والمره لحب الشباب وشفايدة اللوز والحليب وماي الورد وبياض البيض والطحينية للبشرة فائدتهم كبيره وزيت جنين القمح للهالات السوداء وبعد ماقريت تجارب ناس وبعد مادريت ان السدر دوااء لحب الشباب وان الرسول صلى الله عليه وسلم ينصح الاغتسال به سويت البرنامج هذا لي .. ولـكم .
وبنات لي خلصت فترة العلاج وحسيتوا بتغير ملحووظ وان النتيجه حلوه حتى لو بنسبة 80%
ادعولي
بالتوفيق والهداية
سي يووو