بغيت أفتح موضوع لتشجيع و تأكيد على لبس و التمسك بالعباه + الشيله + النقاب (للمنقبات)
بنات ودروا عنكم وساوس الشيطان و اتعوذوا منه …. خلوا الله سبحانه يباركلم في هالسفره و يرزقكم كل سنه ان شاء الله عشان تسافرون كل سنه و تستانسون
والله حلاة السفر يوم يكون ضميرج مرتاح و انت اتطيعين ربج مب تعصينه و تعقين العباه
بدال ما نشكر رب العالمين على هالنعمه ان كتبلكم هالسفره و يسرها لكم نقوم نعصيه !!!!
والله غيركم مب محصل ياكل و لا يشرب و لا مسكن و انتوا الله منعم عليكم … الحمد و الشكر مب بس بالكلام .. خليكم قول و فعل
و اللي اتقول انها خايف على عمرها من المشاكل و المواقف في المطارات و بلادين الاجانب … اقولها ما عليه الله الحافظ ان شاء الله … و كل شي بأجره …. يعني لازم نكون مرتاحين 100% !!! حتى و انت في بلادج تتعرضين ساعات لامور ماتكون بالحسبان
احتسبي الاجر و اقريء الادعيه و المعوذات و آيات الحفظ و سافري باذن الله ما عليكن شر الله الحافظ سواءا خارج البلاد او داخلها
يالله بنات ابغي اسافر هالسنه و اشوف بلاد اوروبا و البلاد الاجنبيه متروسه حريم بعبيهن و شيلهن و نقاباتهن
اتستروا و كونوا واثقات من عماركن حتى اللي يطالعكم او لا سمح الله حد اتمصخر عليكم اطالعوه بالعين الحمره (و ادعوا عليه هههه اقصد ادعولهم بالهدايه)
يالله شاركوا معاي بهذه الحمله داخل و خارج المنتدى
قولوا معاي
نعم للعباه و الحجاب و النقاب
نعم للعباه و الحجاب و النقاب
نعم للعباه و الحجاب و النقاب
نعم للعباه و الحجاب و النقاب
نعم للعباه و الحجاب و النقاب
نعم للعباه و الحجاب و النقاب
ياريت المشرفات يساعدوني في وضع الاستبيان فوق الموضوع
و شكرا
بس بسئلج كل المسلمات المتحجبات في العالم يلبسون عبايات ؟! لا طبعاً ! ، يعني هم يعصون ربهم ؟!!
حبيبتي اهم شي الستر و الحشمه و طاعة الله و رسوله – عليه الصلاة و السلام –
انا اعتبرها حرية شخصيه اذا كانت في حدود الستر و الحشمه و طاعة الله سبحانه و تعالى
انا مثلا ما البس عباية يوم اسافر اوروبا – مع اني متنقبة في البلاد – بس البس ملابس واسعه و ساتره و محتشمه و ما تلفت النظر و اكون متحجبه ( البس غطا الراس تحت الشيلة ) و ما تطلع مني ولا شعرة و الحمدلله ضميري مرتاح و ما عصيت ربي =)
و العكس صحيح بعض البنات الله يهديهن يلبست عبايات في الخارج عشان تقول شوفوني انا خليجية و العبايه تكون ملفته و مفتوحه و مخصره و شعرها طالع و الميكب يسلم من بعييد !!
طبعا انا ما اعمم على الكل ، لا حشا والله بس اتكلم عن فئه معينه الله يهديهن و يستر عليهن ..
يعني الزبده ان كل وحده حسب نيتها و اخلاقها و تربيتها و خوفها من ربها ^_^
عشان جيه الغالية لا تعممين و تقولين تعصون ربكم بدال ما تشكرونه و من هالكلام !
و اللي تلبس العباية و النقاب في الخارج الله يثبتها و يزيد ايمانها ..
و السموحة على القصور ..
المشاركة الأصلية كتبت بواسطة الغر الحشيم 
بس كل المسلمات المتحجبات في العالم يلبسون عبايات ؟! لا طبعاً ! ، يعني هم يعصون ربهم ؟!!
حبيبتي اهم شي الستر و الحشمه و طاعة الله و رسوله – عليه الصلاة و السلام –
انا اعتبرها حرية شخصيه اذا كانت في حدود الستر و الحشمه و طاعة الله سبحانه و تعالى
انا مثلا ما البس عباية يوم اسافر اوروبا – مع اني متنقبة في البلاد – بس البس ملابس واسعه و ساتره و محتشمه و ما تلفت النظر و اكون متحجبه ( البس غطا الراس تحت الشيلة ) و ما تطلع مني ولا شعرة و الحمدلله ضميري مرتاح و ما عصيت ربي =)
و العكس صحيح بعض البنات الله يهديهن يلبست عبايات في الخارج عشان تقول شوفوني انا خليجية و العبايه تكون ملفته و مفتوحه و مخصره و شعرها طالع و الميكب يسلم من بعييد !!
طبعا انا ما اعمم على الكل ، لا حشا والله بس اتكلم عن فئه معينه الله يهديهن و يستر عليهن ..
يعني الزبده ان كل وحده حسب نيتها و اخلاقها و تربيتها و خوفها من ربها ^_^
عشان جيه الغالية لا تعممين و تقولين تعصون ربكم بدال ما تشكرونه و من هالكلام !
و اللي تلبس العباية و النقاب في الخارج الله يثبتها و يزيد ايمانها ..
و السموحة على القصور ..
اتفق مع اختي الغر الحشيم بكل كلمة
مع احترامي لج الغالية
اللبس حرية شخصية وأهم شي الستر والإحتشام
ومع ذلك أقدر لج غيرتج على دينج
والمعذرة عزيزتي…
خواتي انا فاتحه هالموضوع لتشجيع البنات على لبس العباه و الحجاب و النقاب للمتنقبات
مش لفرض هالشي
طبعا كل وحده حره بنفسها
لكني حبيت اشجع البنات خاصه اللي متخوفات من السفر اذا لبسوا العباه يتحرون مصايب الدنيا بتيهم
و بعدين عندي لكم سؤال اذا لبسكم في السفر حشيم ليش ما تلبسونه في البلاد بعد !!!!!
ليش في البلاد بعبينا و شيلنا و نقاباتنا و برع البلاد لا!!!!!!!! ليش ؟؟
هل انتن لابسات العباه و النقاب و الحجاب عن قناعة شخصيه او لانكن انولدتن في بيئه الكل يلبس فيها هالزي فمفكرين انه زي شعبي !!!
ترا الاجانب في بلادهم و الا في بلادنا يلبسون نفس اللبس !!
و الهنديات في بلادهن و بلادنا نفس اللبس!
و ماشاء الله عليهن الباكستانيات اللي يلبسن العباه مالتهن و يا نقاباتهن تارسين شوارع لندن و جامعات و مؤسسات بريطانيا … و الحين يبون يسوولهم قانون يمنع المنقبه من لبس النقاب في العمل في بريطانيا … لكنهم ما فصخوا النقاب بالعكس قرروا يحاربون لجل النقاب و هاذوم قضاياهم تارسه محاكم بريطانيا و جرايدها
ليش ما يقولون ان النقاب مب فرض بنعقه و بنلبس حجاب بس هاه !!!!!!!
xxxxxxxxx
الكلام هذا مب لانقاد او للتجريح هالكلام من غيرتي عليكم و اتمنى يدخل قلبكم قبل عقلكم
لتصل كلمتنا الطيبه يجب اتباع النهج الطيب وانتقاء الالفاظ المحببه لرسالتنا وليست المنفره 