المشكلة تكمن في حميتي من بدت مسلسلات رمضان وهي حالتها مب حالة بحكم اننا في رمضان نتجمع بيت عمتي ونقزر اليوم بطووله هناك فاحتكينا فيها بزيادة واكتشفت انها يا حساسه يا مينونه ههههههه لا تضحكون السالفة ومافيها
انها متزوجه وعندها بيبي جامعيه وما شااء الله ما في بينها وبين ريلها الا كل خير…
وين عيل المشكله
المشكله انها 24 ساااعه تفكر بالمسلسلات اللي تشوفها وااايد متأثرة بمسلسل قلوب للايجار ( لانها فديتها ما عندها بيت ملك ) كل حلقة تقريبا تصيح ليش الابطال متلتهين ما عندهم بيوت ونحن باجر بنصير جذي … يا ربي شووو اسوووي وعلى هالحال
في يوم دشيت عليها لقيتها ميته من الصياح وبعد الحاح قالتلي ( صقر مات ) وانا طار قلبي قلت لها منو صقر… اكتشفت انه اللي في مسلسل ( ام البنات ) ذاااك اليوم ما رامت تتفطر عدل من الضيجه والخوف
شووووي على الساعه 9 الا اشووفها تصيح اشبلاج الا تقوولي ( ابو اسرار انشل )الحين منو بيصرف عليهم وشوو بيسوووون
وفي يووووم شفتهاااا تصيح واكتشفت ان ريل يسرا في مسلسل سري جدا ما ادري خاص جدا طلق حرمته وخذ وحده مطلقة ولا يالس يربيلها ولدها بعد
وآخر موقف اليوم اتصيح ليش بوعقااااااااااب جذي سوى بشريفه يوووم عرس … اونه عورها قلبها على شريفه
حميتي مب حساسه ذاك الزود بس ما ادري شووو صااير لها برمضان
ما ادري من تاثير الصيااام والا الفضااااااااااااااااوة
طبعا انا نصحتها انها توووقف متابعة مسلسلات لانها بهالطريقة بتتجنن … بس هي تقووول يوووم اصيح ارتاااح وااايد
انا متأكده ان حميتي ما عندهاا مشاااكل ويا احد بس مسلسلات رمضان خبلتهااا
وهي تقووول كل الناااس اللي يشوفون المسلسلات هاي اكيد يتأثرون بهالمواقف ويصيحون عشانها مو بس انا ….
بس انا تغمضني يوووم اتصيح كنه عندها حد ميت ههههههههههههههههههه
وبس
طبعا انا حبيت اشااركم هالموقف واسالكم في حد منكم يصيح على هالموااااقف صج
والا حميتي حساسه بزيادة
وا عليه عليها غمضتني
ان شالله يا رب يهديها وتترك عنها هالمسلسلات.. تراهن بينعادن
بس احسها وايد طيوبة
الله يحفظها ويخليها لحبايبها.. جيكوا عليها يمكن حامل؟؟ 
ترا مرات الحامل تزيد حساسيتها بشكل مو طبيعي
ونيست اخبرج ترا حتى نحن اذا شفنا مسلسل يديد يأُر علينا
اذكر عقب رمضان لما عادوا الخراز وشفناه انا وخواتي كنا نصيح صياح اليهد
فيمكن السبب الثالث يكون لان المسلسل يديد والقصة يديدة فتأثرت
أكيد فيها شي حميتج .. الواحد بيتأثر شوي بس ماتوصل للصياح …ونحن نعرف انه تمثيل
حاولي تساعدينها وربي يسهل لج …
يمكن الحرمه فيها شي وماحد يقدر يلاحظ عليها هالشي
واذا كانت المسلسلا تسوي بها جيه خلوها تبتعد عنها حشى مايسوى عليها
الحدلله اني ماطالع مسلسلات في رمضان الحمدلله لانه كل القصص خياليه خخخخ وماعندي وقت لهم
بس حميتج موديل يديد اول مره اسمع حد يصيح لاي مسلسل يجوفه الصراحه لاتعليييييييييييق