اشحالكن خواتي ..,,؟؟
بدش بالموضوع ع طول انا متزوجه الحين من سنتين وشوي ، و ساكنه مع اهل ريلي ف حجره و حمام بس ، يعني ماعندي ملحق ، المهم حميتي الكبيره ماعرف شو مشكلتها تخلي عمرها هي الصح و الكل غلط و هي تحاول تتحكم ف كل شي، كنت اوكي وياها بس وايد قامت تنغز و تلمح وتقول اونه بالسوالف حق عمتى روغوهم عقب من البيت ، جان تقولا عمتي كيف اروغهم يعني و هم ياينهم ياهل و وين يروحون ، تراها حميتي بس من ام اولى و هي اكبر اخوانها و خواتها ، و كله تقول ريلج مايراكض عسب البيت اقولا امبلا بس البيت مايطلع ف يوم و ليله ، و عقب تقولي اطلعوا بيت ايجار عقب و تتحجج اونه عمتج مب زينه تراها روحوا بعيد عنها و كله تيلس تقول بيت ورثه و بيت ورثه والله يحفظ عمي و يخليه للحين موجود كيف ترمس جذه مادري ؟؟ و خبرت عمي قالي هذا مب بيت ورثه هذا بيت عمتج و عيالها اما عيالي الباقيين اذا يبون يورثوني ياخذون لهم البيت الجديم والله يغمضني عمي و كله اقول الله يعينا بعد عمي شو بيستوي فينا ، بتقولون اطلعوا لكم بيت ايجار او شقه ريلي عليه ديون لمده خمس سنوات جدام و البنك يقطع مبلغ كبير و الحين يايينا بيبي و زين ان المصروف الباقي بنمشى امورنا فيهم و اتريا اربي و اخلص عسب اداوم و اساعد ريلي او اطلع بيت ايجار ، ريلي مايبا يطلع لان محد فالبيت غير عمي و عمتي وحميتي الصغيره وحميي الصغير وهذيل اخوانه من نفس الام ، و حرمة عمي الاولى طايحه ع الفراش والله العالم بحالتها. تعبت والله افكر اتم بيت اهلي ولا ارجع ابدا عمتي تقولي اسمعي وطنشي و تقولي تبون تطلعون او اتمون بكيفكم . ماعرف شو اسوي خلاص وايد مضايقه ، هيه وحميي اخو ريلي من نفس الام بعد معرس بس حميتي شيشته و اقنعته ياجرله بيت و اخوه الكبير من الام الاولى اجرله بيته ، و زين يمشون حالهم كان بيبني ملحق بس حميتي فرت براسه .. و كل عيال حرمة عمي الاولى معرسين وعندهم بيوت و عندهم عيال عيال بعد ، يت علينا نحنا ..
الله يوفقج ان شاء الله في حياتج
والله ريلي كله يقولي طنشي و طنشي يعرفها كله تحقد ، يقولي اذا هي لها حق انا لي حق اكثر عنها و يوم ابويه بيقولي اطلع حزتها انا بطلع ..
المشاركة الأصلية كتبت بواسطة كلوديا 
الله يوفقج ان شاء الله في حياتج
تسلمين اختيه ..
تراها تقول بيت ورثه اونه حتى عمتي مالها حق فيه ، امها طايحه ع الفراش ولاتدري عن الدنيا ، و عمتي طبيعي بتكون راعية البيت بس والله فيها منكر هاي عندها بيت شو كبره وحالتها لله وكله تخلي عمرها فقيره وماعندها ..
الله يصبرني بس و اول مره تمر عليه وحده تفكر ف الورث وابوها حي ، اللهم لاتبلينا …