خواتي انا بعدني مب متزوجة و عمري تحت العشرين و من فتره لاحظت عندي أعراض تكيس المبايض – الله يبعده عنا وعنكم –
المهم سويت طاف للموضوع و ما اهتميت بس من يومين رجعت افكر مره ثانية و قررت اسير افحص عند الدكتورة عشان اتأكد و ارتاح و نصحوني اسوي فحص على المبايض بالسونار و تحاليل الهرمونات
بس حبيت اعرف شو خطورة التكيس على المدى البعيد ؟ و بالتحديد بعد الزواج
و دورتي الشهرية منتظمة الحمدلله و انا ضعيفة مب دبة بس من الأعراض اللي لاحظتها ظهور شعرات غليظة و قاسيه و طويلة حول حلمة الشعر و كلهن كم شعرة شكلهن غير عن الوبر العادي اللي يكون على حلمة الصدر !
و الشي الثاني انا شعرانية بزياده في مناطق محددة مب كل جسمي و احس هالشي مب طبيعي و شاكه انه من أعراض تكيس المبايض
و الشي الثالث صدري وااايد وايد صغير بدرجة مب طبيعية شرات صدر ياهل عمرها 12 سنة في بداية مرحلة البلوغ .. يعني احس ماشي صدر اصلاً مجرد بروز خفيف و متضايجة من هالمشكلة و خايفه يكون عندي خلل هرموني (افراط في افراز الهرمون الذكري) او بسبب تكيس المبايض
و الشي الرابع بشرتي وااااايد دهنية يعني عندي افراط في افراز الدهون و دوم تظهرلي حبوب حمر صغار و تختفي كلها فجأة و ترجع تظهر بعد فترة و قريت ان هالشي من اعراض تكيس المبايض
و غير جيه امي الله يحفظها ويطول بعمرها كان عندها تكيس في المبايض اول ما اتزوجت و اتعالجت منه و انا قريت ان تكيس المبايض ممكن تكون أسبابه وراثية
طمنوني دخيلكن 
انا عندي تكيس فالمباااايض وراجعت الدكتوووره وسوت لي فحص هرمونات وطلع عندي الهرمون مرتفع وعطتني دوى واخذها بأنتظاااااام ..
وانتي ماعليج غير تروحيييين للدكتوووره ومافي شي يخووف فديييتج..
وان شاء الله ما عليج شر
وما شاء الله عليج عندج ثقافة عن التكيس
ربي يكافيج شره اللهم آمين