خادمه اندونيسية للتنازل

خادمه اندونيسيه للتنازل

صار لها تشتغل في الامارات 5 شهور ..
– شاطره في التنظيف و كوي الملابس ..
– تعرف تطبخ بس مب وايد .. يعني تعرف تطبخ اللي علمناها و تتعلم الطبخ بسرعه ..
– تعرف تمسك اطفال .. اشتغلت مربيه في الاردن سنتين ..

سبب التنازل :-

كنت ساكنه بروحي و كنت احتاج خدامه تساعدني في شغل البيت و الياهل .. و الحين انتقلت لبيت اهل ريلي و ما شاء الله عندهم 3 خدامات .. و ماقدر اخلي هذي معاهم لانهم دايما يتضاربون ..

راتبها 800 درهم

سعر التنازل 14,000 درهم

ملاحظه : هذا سعر المكتب .. محد يقول غاليه .. لان حاليا الاندونيسيات في المكاتب ب 15,000 و راتبهم فوق 1000 درهم

للجادين فقط يتواصلون معاي على الخاص

ممكن بيانات اكثر عن الخدامة مثل عمرها وخبرتها السابقة ومتزوجة او لا ونشيطة او بطيئة والسعر قابل للتفاوض او لا
لان قبل 5 شهور كان سعرهم في المكاتب 12 الف

الغاليه ممكن رقمج ع الخاص وانتي من اي اماره؟

عمرها 29
خبرتها السابقه في الاردن سنتين اشتغلت مربية
متزوجه و عندها طفلين

من ناحيه النشاط بصراحه .. هي عاديه .. تحب تنظف براحتها و تكوي و تغسل براحتها بس اذا انتي طلبتي منها تتحرك بسرعه بتتحرك .. انا من ناحيتي كنت اخليها براحتها تشتغل و كانت ما شاء الله تخلص كل الشغل بسرعه
السعر غير قابل للتفاوض .. قبل 5 شهور صح كانوا في المكاتب على 12 و 13 الف بس رواتبهم كانت مرتفعه 900 و فوق ..
انا هاي صدفه حصلتها غاليه في السعر بس اقل راتب كان راتبها ..

من قال غاليه فديتج في ابوظي الخدامات وصلت 16 الف ومكتب ثانيه ايبهم 17 الف وخمسميه يقول لازم يعطون بخشيش للعمده والمكتب والسفاره والمطار مال اندونيسيا لانهم ممنوعين من الخروج من الندونيسيا والرواتب وصلت 1000 بدون خبره والي بخبره 1200 والي تقول قبل شهرين 12 و13 تقص علي منو فديتج خدامتي يابتنها من 6 شهور 16 الف وقليل ماتحصلين 15 الف

موفقة ان شاء الله

هي والله انا يبتها ب 16 الف وشي مكاتب ب 17 الف
بالتوفيق فديتج