أنا أحاول أصلح وايد اشياء في حياتي أبغي اكون عابدة تقية لله وأحاول قد ما اقدر وبديت من فترة مب ببسيطة والحمد الله مستمرة وكل ما ياه الأيمان يزيد في قلبي يعني سابقا كنت اسمع الأغاني وقفيتها وبدليتها بالقران صرت كل من أركب السيارة قرأن وبس اسرفت علي نفسي في ذنوب من 10 سنيسن اسويها وقدرت بفضل الله اني اتوب عنها ووقفيتها ان شاء الله تكون توبة نصوح وأحاول اذكر الله طول اليوم بس ساعات انسي في اوقات من اليوم .
سؤالي ألحين كيف اخلي ذكر الله علي لساني 24 ساعة بالأستغفار او التسبيح حتي لو في سري .
والعبد لو تاب عن ذنب كان يسويه فترة طويلة ربنا يغفرله علي طول والله التوبة تاخذ مدة حتي تتقبل .
وخواتي الحمد الله ما فيه حد كامل بس احاول اقوم نفسي بس فيه شغله احس صعبة علي الالتزام بالحجاب لأني اطلع جصه وخاطري اتحجب بس احس صعبة ما ادري ليش خاطري والله .
انت ما تبين تلتزمين… تعرفين ليش؟؟
.
.
.
.
لأنج ملتزمة أصلا..
وشو الالتزام غير إنج تلتزمين الطريق الصح إلي بغاه الله للناس، وهذي هي البداية.. وانت الحمدلله تعديتي هالمرحلة الاولى بكثير، ومشيتي في هالدرب خطوات كبيرة للأمام.. والتائب من الذنب كمن لا ذنب له..المهم التوبة ثم الاقلاع عن الذنب ثم التكفير بالأعمال الصالحة..
ولا تظنين الله بيضيعج بعد ما تركتي المعاصي واتجهتي لطاعته سبحانه.. الله أكرم من ذلك..
والله سبحانه يفرح بتوبة عبده أكثر ما يفرح فيها العبد نفسه، وما دام في الأرض ناس تخطأ وتستغفر تكفل الله بأنه يغفر لهم وباب التوبة مفتوح إلى أن تشرق الشمس من مغربها..
بس علشان تثبتين على هالطريق وما تتراجعين، لازم تتركين صديقاتج إلي يجرونج للمعاصي، وعليج بالبنات الخيرات الطيبات إلي يعينونج على الطاعة..
وعليج بالاستغفاااااااااااااااااااااااااااااااااااااااااا ااااااااااااااااااااار..
وتأكدي إن الله ما بيخيبج..
وإذا محتاجه أي شي راسليني على الخاص.
وتأكدي كلنا خواتج إلي نحبج وإلي يفرحنا إن وحده من خواتنا الحبيبات رجعت للطريق الصحيح.. ويشهد الله كم فرحت بكلامج..
نوالله يهدي الجميع..