خاطري اكون ام

السلام عليكم حبايبي
انا الشهر الياي بكمل سنه ان شاءالله وللحين ماحملت كل شهر اتخيل اني حامل وافرح واحلل منزلي وانصدم بنزول الدوره الحمدلله على كل حال نفسيتي تعبت وقلت خلاص يمكن الله مب رايد احمل ،انا انساااانه اعشق الاطفال وحتى قبل زواجي كنت اتمنى احمل من اول شهر
بنات ادعولي دخيلكم

الغاليه لاتياسين من رحمة الله. خذي بالاسباب روحي افحصي انتي وزوجج والزمي الدعاء والاستغفار ونشوفج قريب ان شاءالله في قسم الحمل والولادة.

حبيبتي لا تفكرين وايد خلي هالشي على رب العالمين ولا تفكرين ولا كل شهر تسوين كل شوي فحص حمل منزلي
واكثري الاستغفاروسوو فحوصات من كل شي وربج كريم
وربي يرزقج الغاالية عاجلا قبل اجل

بس سوي فحوصات انتي وريلج وان شاء الله ربي يرزقكم يارب
حبيت ادعيلج

بعدج فديتج ، ايأسي واتعبي لو مر ع زواجج 5 7 سنوات
سنه بعدج باول الطريق حبيبتي .. طنشي الموضوع لان النفسيه اهم شي .. التركيز مب اوك
ادعي استغفري وتصدقي
وخذي بالاسباب مثل ماقالت ام روز ، افحصي شوفي شو السبب وشو المشكله وحليها #
وان شاءالله ربي يرزقج بالذريه الصالحه

مشكورات ع ردودكم الحلوه
انا سليمهه الحمدلله بس زوجي في كم مشكله وخذا كورس علاج

الله يرزقج اختي الغاليه بالذريه الطيبه فديتج بعدج سنه انا ست سنوات والحمدلله صابرين اصبري وادعي الله بيرزقج اكيد بالتوفيج