خواتي بخبركم شو صاير معاي ..
فيه واحد نعرفة متزوج .. ساكن بأمارة ثانية .. الرجال شافني عام 2024 ..
وعرف انا بنت منو ومن وين .. وعرف كل تفاصيل حياتي بعد سؤاله عني ..
الرجال من 2024 وهو يدعي الله مثل ما خبر اختة اللي خبرت ربيعتي وربيعتي خبرتني ,,
ان الله يجمعني فيه .. والرجال متدين وخلوق .. وما ينعاب ابد ابد ..
وصار يدعي بجوف الليل ..
في عام 2024 سافرت وشفتة بويهي وبنفس الفندق شهر كامل ..
2024 انتقلنا لنفس انا وكل عايلتي للأمارة اللي ساكن فيها ( صرنا بنفس الامارة )
2024 انتقل عملة جنب بيتنا .. ما بينا وبينه الا خمس دقايق بالسيارة .. وكل يوم يداوم ..
ولازال يدعي مثل ما اسمع ..
وهو هادي وما يبان عليه ..بس يخبر اختة انه يحب زوجتة وعيالة .. لكن الله ابتلاه بعشقي ..
ومو قادر يطلعني من تفكيرة .. وانه يفكر كل يوم انه يعرس على .. ويدعي الله بجوف الليل ويسبح ويستغفر ويدعي ..
مشكلتي خواتي اني ما احبة .. انا عادي من ناحيتة ..
والمشكلة الكبيرة اني شفت زوجتة لقيتها انسانة محترمة جدا .. واولادة يهبلون ..
صرت خايفة من دعائة .. خصوصا انه مستمر يدعي ان الله يجمعني فية بالدنيا والاخرة ..
خواتي سشوي .. كثير خايفة ..
ماعرف شو لحل ..
بسم الله الرحمن الرحيم
الغلا سالفة ما تستاهل الخوف وأنا أختج .ْ.
بس
أدعي إنه الله يرزقج زوج صالح اللي في عمرج وهب معرس
شرواته في كل صلاة عسب خاطر عيلته ..~ وعسب ينساج ^^
المولى لج حافظ ْ.}.
وتوكلي على الله
أنتي مالج ذنب