بس رديييت بموضوع يفتح النفس
وانصح كل يوعانه تسكر الموضوع لأنه بيكون تعذيب نفسي هههههههه
مطعم Switch من المطاعم اللي قمت اروحلها مؤخرا في دبي مول
المكان ك شكل .. تحفه فنيه
و ك أكل 10/10
وكل مره ارووح اقول لازم اصور حق المنتدى وانزل موضوع واتعايز لأن كيمرتي عدستها خربانه
بس هالمره كنت شاله وياي الكيمره الصغيره .. صح انها مب بروفشنال وما عطت المكان ولا الاكل حقهم
بس بتوصل المعلومه ههههههه
نقول بسم الله
هذا المطعم من برع
هني حاطين المنيو .. وشي عداله مثل صورة برجر يوم قربنا منها كان مكتوب
“Camel Burger” !!
يعني برجر مسواي من لحم الجمل
بالنسبالي مستحيل اتجرأ آكله .. بس ربيعتي ماشالله عليها ما تخلي شي في خاطرها هههههه وقالت بجربه
المهم يلسنا ويابولنا المنيو
عقب شفنا اللي تشتغل توزع هال “SHOTS”
وجي يانا فضوول نجرب انا شربت الوردي وربيعتي شربت الازرق
كان طعمه يجنن جي حامض شرى الحلاوه
عقب يابولنا هالخبز ويا سوس الجبن
السوس لذيييذ جي كريمي ع سبايسي خفيف
يابولنا عصايرنا .. بالغلط يابولي هالابيض هههه صورته وقتلهم يشلونه
عقب يابو عصيري .. طالبه فراوله .. وربيعتي طالبه نفس الوردي اللي انا شربته اول شي
عقب وصل السيزر سالاد .. انا ما اكل خس .. احم بس ربيعتي كانت متلذذه فيه
ووصلت شوربة البطاط اللي انا طالبتنها اول مره اجربها عندهم دايما اطلب المشروم
كانت لذيذه وطعمها غريب شوي .. لاني متعوده عليها تكون بالجبن .. بس هذي كانت بالكراث
وجي تميت يالسه يلسة تأمليه اتريا تعابير ويهها عقب اول لقمه
والبنت عيبها ! وبلعته كامل .. بالعافيه عليج يعني (هي موجوده في المنتدى هههه)
وانا وصلت باستتي … بالسوس الأبيض وفيها دياي مشوي ومشرووم .. طعمها "لظيييظ" ع قولتي ههههه والباستات الثانيه بعد شغل عدل
وهاي سجينتهم انا منغرمه فيها ما تبين عدل بس شكلها شرى ستايل المطعم وواااااااايد كيوت
عقب مر علينا الشيف سألنا اذا كل شي اوكيه وعايبنا .. وخذ ملاحظاتنا
اللحين جهزووو عماركم للضربه القاضيه
كل اللي يحبون النوتيلا بيتخبلووون اللحين
هذا اول سويت طلبناه
“Nutella Burger”
وهذا الثاني
“Nutella Pudding”
وعندهم سويتات ثانيه .. كلها لظيييظه
~
نرجع للديكور لان اول شي بيلفتكم للمكان ديكوره
هالصوره خذتها من المكان اللي يالسين فيه
وهاي فالطرف الثاني من المطعم .. حبيت كرسي البيبيهات
وباقي الصور من النت .. تبين الشكل اوضح
ولو تلاحظون ترى المكان بكبره مسواي على شكل حرف السين بالعربي "س" وفي كتابات عربيه في الصقف
واضاءة المكان كل شوي تتغير .. وشي ديجي ورى
صدق جو ثاني !
اتمنى ان التقرير عيبكم ودشيتو الجو ويانا
واللي ما قد سارته تسير لان المكان وناسه ويرفرشششش
وعلى فكره اسعارهم واااااااااااااااااايد معقوله وكل حد يقدر ياكل هناك
مكانه عدال اللافاييت الطابق الأرضي .. ونفس خط المطاعم اللي مجابله حلبة التزلج
X.a7ibny.X…. JuSt Switch iT !
بس ماقدرت اطلع بدون لا اكتب شي
اول شي بالعااافيه على قلبج
حبيت الباستا ااااه غرامي هههه
واكيييييد لازم تكون لي روحه لهلمكان الفنتك
يعطيج العافيه
دايمـاً أشوفه بس ولا مرة دخلته . .
أروح الفووود كورت وأتعشى هناك 
بس ان شاء الله أجربه قريب
وشكرا ع التقرير الحلو 
مع اني اروح دبي مول بس مانتهبت له
وصدق تقرير حلو والاكل باين حلو وراقي
وديكور عيبني
تسلمين اختي ماقصرتي
صراحه يعطيج العافيه