خبز الخمير

اشرايكم

كل وحدة منكم تكتب لنا طريقتها في عمل خبز الخمير

لتعم الفايدة للجميع

مع الشكر للجميع

احنا نسوي الخمير بهالطريقة نخلط الطحين ويا ربع كاس سكر وملعقتين هيل ونص كوب زيت وخميرة على حسب قياس الدقيق و3ملاعق حليب بودر نخلطهم ويا بعض ونعجن بالماي ونخليهم يتخمروا لمدة ساعتين بعدين اكورها كور صغيرة وافتحها واقليها بالزيت

بقولكم طريقتي في عمل الخمير وبصراحه كل حد يمدحها ..

3 أكواب طحين رقم 1
3 أكواب طحين رقم 2
2 بيض
6 ملاعق نيدو
2 فنجان سكر
نصف كوب زيت
2 ملعقه كبار خميره
وذرة ملح

طبعا تعجنينهن وما تكون العجينه وايد متماسكه يعني تكون نسبة الماي فيها أكثر وكل ما تخنرت وايد كل ما طلعت أحلى ..

مشكورة اختي على المقادير…..بس كيف طريقة الخبز عشان حابة اجربها وما أعرف الطريقة..وما عليج امر ..يابنت دار زايد

هلا الغاليه تعجنين العجينه وخليها متماسكه بس ما تكون نفس عجينة البيتزا واايد متماسكه يعني تكون تتلصق في يدج وخليها تختمر لمدة ساعتين عالاقل

وعقب ما تتخمر تكورينها وتفردينها وتحطينها على المخبز مال الخمير وتدهنين الويه بالبيض وتحطين عالويه بعد البيض يا زعتر ولا سمسم على كيفج وعقب ما تخلص من تحت دخليها عشان تستوي من فوق وبس

اتمنى اكون افدج

يزاج الله خير بنت دار زايد ولصاحبة الموضوع

مشكورة يا الغالية…واسفة على الازعاج