خبــــــرة المتزوجه نصائح

السلام عليكم

انا الصراحه عيبني وااايد هالقسم من المنتدى وحسيت اني اتعلم من خبرة كل وحده متزوجه

وحطيت هالموظوع عشان تعطون نصايح للاخوات المالجات ( انا منهم :22 (5): )

مثال شو الاشياء اللي لازم انسويها عسب نسعد الزوج…..الخ ( وغيرها من النصايح)

انشالله اتفيدونا

يعطيكم العافيه

هلا اختي..اللي اشوفه انا وايدات يحطون خبراتهم في ها النادي already …و يحطون نصائح من وين ما يلقونها و يزاهم الله خير على تعبهم…و متى تكونين فاضية شوفي الصفحات القبلانيه كلها…
اعذريني بس انا وايد استفدت بهذه الطريقة و الاخوات مو مقصرات ما شاء الله عليهم….
و هذا رايي و السموحة

حبوبه انا كان قصدي ان كل وحده اتحط اي نصيحه تطلع من خاطرها ممكن هي حاسه انه هالشي بيفيدها وانا تراني قريت وااايد مواظيع عسب جي حطيت هالموظوع قلت وحده اتحط نصيحه لكل بنت مالجه يمكن من هالشي نحنا نتعلم منهمواذا ارتكبو اي غلط بهالفتره يمكن نحنا نتعلم من اغلاطهم
على العموم مشكوره على المرور

اهلا و سهلا فيكي اختي ميرة

ان شاء الله السيدات المتزوجات يدخلون و يكتبون نصائح للمالجات تفيدهم

كيف ماشاء الله يحطون مواضيع كثير جميلة ومفيدة

اختي اذا انتي مقبلة على الزواج ربنا راح يوفقك

ولكن كوني انسانة عادية في تصرفاتك و كوني جديدة في حياتك

الحياة الزوجية غير عن الحياة اللي كانت كل وحدة فينا تعيشها قبل

طبعا حياة الحرية غير و حياة المسؤوولية شي ثاني

الرجل يوم يتزوج

يتزوج حتى يستقر

يلاقي حد يشيل همه و يشاركه فرحه و حزنه

كوني دايما جنبه لا تحسسيهم انه مجرد كتب الكتاب او السنة الاولى من الزواج هو كل ما تملكين

حسسيه انه هو كل شيء في الدنيا

الرجال يحبون انه المراة تحسسهم برجولتهم و بحبها و تعبر عنه بكل طريقة تعرفها

اختي كوني نفسك كوني انتي

و ان شاء الله اخواتي سيدات المنتدى المتزوجات يساعدون في تطوير هالموضوع حتى يصير ملجا لكل بنت مقبلة على الزواج

لا تسوين له سالفة :1 (67):

أمزح :1 (35):

يعتمد على حسب شخصيته ،، دوري اللي يحبه وحاولي اتسوينه له ،،
امممم فاجئيه إذا ياكم في زيارة عالعشا او الغدا بعمل طبخة يحبها ،، يعني ما اعرف على حسب شخصية زوجج
الله يوفقج