شحالكن
كنت وعدتكم انزل موضوع اشهى واطرى خبز بالعالم لكن لظروف اخرته واوعدكم انزله باقرب وقت
شفت كذا وحده تسال عن خبز النان الهندي فقلت بما اني اسويه دوووم اصوره ونزله موضوع افيدكم
بصراحه هذا الخبز طررررررررررررري لدرجه لو جربتوا تسوونه وعرفتوا تضبطونه رح تسوونه مره ومرتين اكثرررر
ع فكره تقدرون تجربون عليها الفطاير وتغيرون من الحشوات
عني احبها ريوق وبجبنة التشدر او الفيتا
انزين نبدا
المقادير ك التالي
4 اكواب طحين منخول
2 م زبده او زيت
2 م روب او زبادي
كوب حليب سائل دافي
2 م خميره
نص م ملح
للوجه
زيت زيتون + ثوم مهروس ناااااااعم
الطريقه
اول شي يابنات تحطون الخميره في نص ربع كوب ماي دافي وحطيها ثلث ساعه لين تتخمر
بعدين
تحطين الطحين وتحفرين بالنص وتضيفين الروب والزيت او الزبده والملح والحليب والخميره
وتعجنينه العجينه بتطلع لينه بس ماتلصق باليد
لاحظوا العجينه ملساااااااء وناااااااعمه
انصح العجن يكون ع الرخام بصراحه تاخذين حريتج بالعجن وكل ماعجنتي اكثر كل ماعطيتي الجلوتن بالعجين مجال انه ينمط الجلوتن احد عناصر ومركبات الدقيق ^__^ لو احتجتي لماي ضيفي شوي شوي اهم شي العجينه تكون عندج متماسكه طريه ناعمه وماتلصق باليد
انزين نحطها ترتاح لمده ربع الى ثلث ساعه
نكورها ونحط مثلا شدر او جبنة فيتا ما انصح تحطون شي كريمي لانه بيتعبكم وقت الفرد
الحين تفردونها بشوية طحين حاولوا ماتفرشونها وايد انا مافرشها وايد احبها جيه بس عادي لو تبون تزيدون فرد مب مشكله اهم شي الفرد يكون بخفه عسبت مانطلع هواء وايد من داخل العجين
الحين خلوها تتخمر نص ساعه او ساعه
هني بعد ماتخمرت
على الوجه امسحوا زيت الزيتون المنقع فيه مدقوق الثوم وممكن ترشون السطح جبنه مبشوره ونكون مشغلين الفرن من قبل
خلكم منبهين انه مايحمر وايد يكون حمرته بني عقب بندوا من تحت الفرن وشغلوا من فوق لين يحمر
شلوها وحطوها بصحن وغطوها بمنشفه نظيفه
وبتطلع النتيجه خبز حريري واسفنجي ناااااااااااااااعم يذوب بالثم مع كوب كرك ^_^
ملاحظه في ناس تحب تضيف الثوم مع العجين ممكن يابنات بس انا افضل ع الويه الطعم بيكون اخف وبنفس الوقت الزيت زيتون بيطلع نكهته وايد لذيذه
وهني وعافيه عليكم خواتيه دعواتكم لي ..
وتسلم ايدج
يعطيج العافيه
وتسلم ايدج