خبيرات الدايت عندي كمن سؤال !!

انا عندي كمن سؤال وحابه أعرف إجابته للي عندها خبره ..

انا معتمده في دايتي على التخفيف .. وفي اشيا في خاطري أكلها ..بس أقول لا ما يستوي مثل :

1. الصمون الأبيض ؟ عادي لو آكله عالريوق أو العشا ؟؟
والأفضل أني ابدله بالأسمر صح ولا ؟لأني من بديت الدايت من 3 شهور والحينه بدش الرابع
وانا ما كلت غير مره وحده بس

2. عادي لو آكل العنب ولا ؟
لأني سمعت انه يزيد الوزن شراته شرات المانجو ؟

3. السويتات العربيه .. مثل الكنافه والبقلاوة وغيرها ..
عادي آكلها في الفري دي ؟ ولا بتخرب الوزن ؟

4. انا انسانه ما حب لا البيض ولا الجبن .. و
يمكن لي يتابع تقريري بيلاحظ اني مول ما آكل هالأشيا ..
فشو ممكن اتريق يوميا ..؟
لأني مليت من الكورن فلكس والنسكافيه كل يوم ..!

وبس هاي هي أسئلتي .. ^__^

المشاركة الأصلية كتبت بواسطة فطمطم

ان شاءالله يفيدوووونج يا قلبي

تسلمين عزيزتي

المشاركة الأصلية كتبت بواسطة .:شذى الورد:.

أهليــن بآلحلــوين
حبوبة انتي ليش معيشة عمرج في حرمــآن
ومن قآلج مآتآكليـــن .. أكلي وآستآنسي يآبوج
عيل يوم توصلين للوزن آلمثآلي .. من تآكلين هآلأشيآء آللي حآرمة عمرج منهآ على طول بيزيد وزنج
لأن جسمج مب متعود عليهـآ فـ يخزنها على شكل دهـون
ويحرق آلأشيآء آللي متعود يستقبلهآ .. !!
ليش تسوين في عمرج جيه ..

تعآلي انا بجآوبج .. ترى صآر لي شرآتج 3 شهـور وشوي .. وآلحمدلله نزلت 21 كيلو من دون حرمآن وآكل ليومج هذآ من كل آللي انتي حآرمة عمرج منه ..

1. الصمون الأبيض ؟ عادي لو آكله عالريوق أو العشا ؟؟
والأفضل أني ابدله بالأسمر صح ولا ؟لأني من بديت الدايت من 3 شهور والحينه بدش الرابع
وانا ما كلت غير مره وحده بس

هيه أكلي صمون ابيض على آلريـوق اكلي سندويشة وحده ..
انا اكل .. يعني اكلي من 1-2 مرتيـن ف آآلآسبوع ..
على فكره بآجر بتريق صمونة مدورة خآطري فيهآ !!
وتقدريـن بعد تآكلين صمون أسمر ..

بس آلتوست آلأسمر أكليه على آلعشآ ولآ آلغدآ عسب فيه أليآف أكثر وينهضم أسرع بس هو نفس آلكآلوري مع آلتوست آلأبيض ^^

2. عادي لو آكل العنب ولا ؟
لأني سمعت انه يزيد الوزن شراته شرات المانجو ؟

هيه عـآدي عنب ومآنجو وتين وموز وآللي تبينه .. بس مرتيـن ف آآلأسبوع او 3 بآلكثير
ولآ تكثرين عن خآطرج أكلي ..

3. السويتات العربيه .. مثل الكنافه والبقلاوة وغيرها ..
عادي آكلها في الفري دي ؟ ولا بتخرب الوزن ؟

هييييه عـآدي ..
أكلي على آلريــوق ..
او آلسآعة 4 آلعصـر ينحرق بسرعة
بس نفس آلشي لآ تكثريـــن

4. انا انسانه ما حب لا البيض ولا الجبن .. و
يمكن لي يتابع تقريري بيلاحظ اني مول ما آكل هالأشيا ..
فشو ممكن اتريق يوميا ..؟
لأني مليت من الكورن فلكس والنسكافيه كل يوم ..!

في وآيد بدآيــل
ممكن تآكلين لبنة وزيتـون في توست محمص .. يمــي
ولآ مثلا .. مربى وزبدة
او محلى وعسل ..
او لقيمآت
او تمــر ويآ لبــن
او صمون بزعتــر .. أو كروآسون شوكليت
او كيكة وشآي (قطعة صغيرة كيكة) قصدي مثلث وآحد
ممكن معجنآت بعد ..
هريس
مرتديلآ ..
صمونة فيهآ ديآي تريآكي
ممكن كوكتيـل
كنآفة
وآآآيد اشيـآآء .. أصنآف آلأكل لآ تعد ولآ تحصى .. مآتوقف على آلبيض وآلجبن وآلكورن فلكس ^^

حبيبتي نصيحة من مجربة
تهني بآلدآيت .. لآ تخلينه سجن لج من ملذآت آلأكل
جسمج له عليج حق انه يستقبل كل الأكل اللي خآطرج فيه
آلمشكلة مب في آلأكل
آلمشكلة في آلوقت آللي نآكل فيه
دوووم تريقي ريـوق ملكي فآخر ههههه صدج وآلله .. اكلي آللي في خآطرج فيه

وعلى آلغدآ خففي مثلا توست اسمر بمآرتديلا وصحن سلطة كبيـر

وعلى آلعشآ فوآكه

منو قدج !!

عوآآآفي حبيبتي
وان شآلله اكون جآوبتج
موفقة

؛؛

والله كلامج اسميه يريح ,,,
ما تقصرين يا شذوي .. عالكلام الطيب والتشجيع الحلو .. ^_^

أنا صح معتمده عالتخفيف وآكل إللي أباه .. بس في نفس الوقت
في بعض الأشيا شايلتنها من قايمتي .. منها البيبسي + الصمون + العنب + المانجو
وهذه غير إني ما آكل أصناف معينه لو قلت لج بيشيب شعر راسج وسبحان الله مع إني ما أكل
بس امتن زيادة هذه قبل ما اسوي ريجيم .. الأشيا إللي ما كلها كالتالي :

المايونيز + الكاتشاب + الماردتيلا + الجبن + البيض + حليب فرش + اللحم
الربيان + جوافه + تين + مربى

وبعد نسيت تصدقين يوم بذكر بقولج

وإن شالله نصايحج باخذها بعين الإعتبار أكيد .. ^__^
ما تقصرين يا شذى .. ابصراحه ترفعين المعنوياات ^^
مع انه قبل كنت اشوف الريجيم هم واقول متى بخلص ..
بس دام السالفه عالتخفيف اكيد ما بحااتي ..

المشاركة الأصلية كتبت بواسطة فيمتووو

الغاليه .. الخبز الأبيض وأيد دسم ،،
ممكن تستبدلينه بالاسمر .. أفضل لج
بس ممكن تأكلينه مرتين فالأسبوع
ولكن كمية قليله .. لا تكثرين ..

اما الحلاوة العربية وآآيد فيها شكررر
ومثل ما تعرفين الشكر عدونا ألكبير
فـ مآ انصحج أبدآآآآ ..
بس عن خاطرج كلي شوي ..
لو أنا مكانت فالشهر باكله مره أو مرتين ..

أمآ عن الريوووق ..
وطبعا هآي أهم وجبة فالدايت ..

لازم تأكلين بيض أو كورن فليكس مع حليب قليل الدسم .. أو سندويج جبن مع خبز اسمر ..

لازم يكون ريوقج حلوو .. وأيد مفيده هالوجبه
ولازم تحبين الجبن والبيض …… الخ

هلا عزيزتي ..
تسلمين على نصايحج ^_^
وإن شالله ببدى استخدم الصمون الأسمر ..
انا اشوفه في الجمعيات بس مول ما اتشجع
وبحاول انوع بين الأسمر والأبيض ..

بالنسبة للريوق انا ما افوته إلا في الويكند
لني طول الأسبوع اداوم .. وما اصدق اتيي الإجازة ..

بالنسبة للكنافة وجي .. تراني ما آكل إلا في الشهر مره ..
ودايما ما اتجنب مثل هالسوالف .. بس ساعات احس يكون في خاطري
فعشان جي آكل مال حبة وجان بكثر حبتين بس ..

ومشكورة مره ثانيه عزيزتي على نصايحج .. ربي يوفقج