خبيرة الكرك مطلووووبة فديتج

بانتظار الردود الحلوة.. وألف شكر مقدما

والله كركنا مميز ومشهووور حتى في الدوام

صاروا حتى الشباب يرمسوون عنه <<< البركه في البنات فديتهن ما خلوا حد ماخبروه لوووول

المهم اختي هاي طريقتناااا وان شاء الله تعجبج …

نقول بسم الله ..

المقادير ^.^ << اونها خخخخخ

– قوطيين حليب ريمبوو ( نحن نستعمل ابو قوس )
– 5 خواشيق صغيرة ( ملعقة شاي) – شاي ليبتون
– فنجال ونص سكر – طبعا اقل او اكثر حسب الرغبة
– اذا تستخدمون غوري الشاي يفضل تعبينه ماي اقل من النص ( كل ما قللتي الماي كل ما طلع مركز اكثر ومضبووط )

شوفي نحط كل المقادير مع بعض قبل ما نغلي الماي
عقب نغليها كلها مع بعض يوم تشوفينا طبخ الشاي قصري على النار
وخليه يطبخ على نار هادية لمدة 5 – 8 دقايق … يعني لين ما يفوح مرتين إلى 3 مرات ..

ممكن تضيفين هيل اذا تحبين – نحن نادر ما نحط الهيل
عن نفسي انا احبه بدون هيل .. وبس ^.^

ان شاء الله تكون الطريقة سهله وتعجبج ..

,

الحين بسير اسويه