عندي سؤال لو سمحتوا .. سويت كنافة من يومين وما طلعت متماسكة وايد مب مثل اللي ناخذهم في السوق .. سويتها بالقشطة انا سويت القشطة بس الكنافة ما كانت متماسكة .. وكان فيها طعم حرق من فوق .. وطعم الزبدة كانها محروقة
كيف اتكون متماسكة وليش طعم الزبدة ظاهرة ..
وسؤال ثاني كيف اوزع صبغة الكنافة على الكنافة ..
اللي عندها الطريقة بعد اتحطها .. ويزاكم الله الف خير مقدما ..
وبعد ما يحمر الوجه أقطعها واحط الشيرة عليها انا أخلي الشيرة غليظة عشان تخلي الكنافة متماسكة
وان شاء الله أكون أفدتج
اول شي افرك العجينه بالسمن .. واكون مزهبه جبن عكاوي ونقعتنه بماي عشان يطلع منه الملح كللله ..
وعقب احط طبقه من العجينه واحط عليها ماي زهر ..مب وايد رشات خفيفه ..
وتالي احط الجبن وارش عليه ماي ورد وماي زهر .. وبعدين الطبقه الثانيه من عجينه الكنافه … وعقب ما تتحمر اصب عليها الشيره ..
^ ^ ان شاء الله تعيبج الطريقه ..
المشاركة الأصلية كتبت بواسطة مزيوونه 
اول شي افرك العجينه بالسمن .. واكون مزهبه جبن عكاوي ونقعتنه بماي عشان يطلع منه الملح كللله ..
وعقب احط طبقه من العجينه واحط عليها ماي زهر ..مب وايد رشات خفيفه ..
وتالي احط الجبن وارش عليه ماي ورد وماي زهر .. وبعدين الطبقه الثانيه من عجينه الكنافه … وعقب ما تتحمر اصب عليها الشيره ..
^ ^ ان شاء الله تعيبج الطريقه ..
حلوة احس بس جبن العكاوي يتعبني ما يروح عنه الملح بسرعة .. اشكثر اتنقعونه