اخواتي العزيزات بغيييييت منكم طلب واللي تعرف بليييييز تخبرني او اللي جربت هالشي ..
اناا مشتركه ف منتدى ثاني المهم صار بيني وبين عضو نقاش حااد بسبة
لعبه المهم بعديين تم يطرشلي سب يوميا 3 رساايل ويقول اني غلطت ع الدوله الفلانييه ..
وهالشخص من دول الخلييج .. انا ماردييت علييه طوول هالفتره قلت خدمة الاميين مابتقصر وياي
وانا الصراحه متعوده اخذ حقي بايدي بس هالمره قلت احسن اخلي حد يوقفه عند حده صحح ..
المهم طرشت ايميل وماوضحت كل المشكله ..
ردوو علي انا لازم اروح اقرب مركز شرطة للاجراءات اللازمه ..
عااد اناا ماعندي مشكله بس اخاف يقولون افتحي بلاغ ولازم حد يكون موجود
وتستوي سالفه وجييه يعني وقالولي انه تعاملهم بيكون بسريه .!
انتوو شو رآيكم؟.. اروح ولا اتصل واخبرهم بس اذا بغو يشوفون السب والكلام اللي صار كييف ؟..
اعطييهم عنوان الايبي لهالشخص تهقوون بيطلعوونه للعلم هو مب
فالامارات هوو من اكبر دولة خليجيه من دول مجلس التعاون ..!
شوورو علي لاني مستحييل اتراجع عن اللي سويته !><
فكري فيها شوي .. وانتي ماخذه الامور بحساسيه
:
اذا على المنتدى راسلي مشرف او المدير العام وقول له ان فلان يسب او يغلط ..
في رايي انا احسن شي تسوينه تجنب السالفة بكبرها..وخلي الموضوع بحدود النت.. المنتدى والادارة مالتها..
انا ماقولج اني ماعرف اخذ حقي والخ الخ.. لكن طالعي الموضوع من ناحية ان الانترنت فيه حالات كثيرة وافضل شي انج ماتخلينه يأثر ع حياتج اليومية..
طول ما انتي في المنتدى .. يكون المنتدى هو عالمج.. وبمجرد انج تسوين لوق اوف.. حطيه ورا ظهرج… خذي الي تعلمتيه منه.. وخلي عنج الي مايفيد…
ريلاكس الغالية… تحصل وايد ^^ وهذا عالم وهمي في النهاية… فيه فوايد لكن الخطوط والحدود وهمية
اتمنى تكوني فهمتي الي ابا اوصله.. تيك ات ايزي ع قوتهم
لا تنسين انج بنت ومهما اتفتحنا والا تطورنا
تظل نظرة المجتمع للبنت اللي توصل مراكز الشرطة مب زينة
حتى لو كنتي على حق
رايي من راي وحدة من البنات اللي قبلي
بلغي المدير والا رئيس الإشراف وهم بيقومون باللازم 
وان كبرتيه بيكبر
ترفعي غاليتي
وشوفي مقولة الإمام الشافعي رحمة الله عليه وحكمته سبحان الله
اذا سبني نذل تزايدت رفعة و ما العيب الا ان أكون مساببه
و لو لم تكن نفسي علي عزيزة لمكنتها من كل نذل تحاربه
و لو أنني أسعى لنفعي لوجدتني كثير التواني للذي أنا طالبه
ولكني أسعى لأنفع صاحبي و عار على الشبعان ان جاع صاحبه
وقال ايضاً
يخاطبني السفيه بكل قبح فأكره أن أكون له مجيبا
يزيد سفاهة فأزيد حلما كعود زاده الاحتراق طيبا
والمنتدى أكيد له مشرفين قايمين عليه
وطبعا نصيحتي لج ابعدي عن المنتديات المختلطـة
يعني تضاربتو على لعبـة مب شي وايد مفيد أختي ^^ !
والسموحـة