أنا أعاني من تبقعات في ويهي
أنا بشرتي دهنية شوي وما أستخدم واقي الشمس
للعلم أنا بيضا وهذا اللي يبين البقع أكثــــر
رحت اليوم The Face Shop وخذت هذا
قالت لي أغســل ويهي وأحط منه عالبقع .. وهو فالوقت نفسه يبيض البشرة وبالتالي يبيض البقع
وعلى فكرة .. أنا قبل كم يوم خذت صابونة من صالون ،، ولما قلت للي في The Face Shop قالت أوكيه استعملي الصابون وبعدين هالمستحضـر ،،،
غيـــر جذيه أنا أعاني من مشاكل الهرمونات وهالشي بعد له دخل بالبقع …
وعطتني مجانا هالماسك
وقالت لي انه يريح البشرة
خواتي منوه منكن عندها خلفية عن المستحضر وشو نصيحتكن لي بخصوص شعر الويه الزايد بسبب الهرمونات …
للعلم ،، أهلي معارضين سالفة الليزر والحف بما اني بنت .. بس مب حابة انه الشعر يزيد لاني مثل ما قلت بيضا وكل شي يعيب البشرة يوضح أكثر
للفايدة: نصحتني أكثر من الماي وبالذات في هالجو + أكثر من الأكل اللي يحتوي على فيتامين سي .. وقالت لي هالمستحضر يحتوي على فيتامين سي والأكل بيساعد أكثــر + واقي الشمس
شاكرة لكن مقدما
للأمانة ماعندي فكرة عن هالمنتجات,,لكن صاحبتي كان عندها زيادة الشعر بالوجه بطلعلها عند الذقن شعر كثيف وغامق والمشكلة كانت بالهرمونات راحت على الدكتور واعطاها دوا وراح الحمدلله..
مشكلة الهرمونات ماابتروح الا بأدوية داخلية مابتنفع الليزر ولا بالحف لأنها مؤقتة وسطحية ورح ترجع مرة تانية..
ماتخافي صاحبتي لما تعالجت كانت بنوتة كمان..
والله يوفقك..
وفي حلمك مايسد الخلل ,وفي عفوك مايمحو الزلل
اللهم فبقوة تدبيرك وعظيم عفوك وسعة حلمك وفيض كرمك
اسألك ان تديرني بأحسن التدابير وتلطف بي وتنجيني مما يخيفني
ويهمني
اللهم لا أضام وانت حسبي ولا أفتقر وأنت ربي ,
فأصلح لي شأني كله ولا تكلني الى نفسي
طرفة عين ولا حول ولاقوة الابك
اللهم صل وسلم وبارك على سيدنا محمد وعلى اله وصحبه
بالنسبه للشعر الزايد في الويه أختي عندها نفس المشكله
وكانت تسوي جلسات ليزر بس تعبت منها لأنها حل مؤقت
وسألت الدكتورة عن حل نهائي قالت لها : لخبطه الهرمونات بسب
الوزن الزائد عن حدة والدهون المتمركزة حول البطن تسوي ضغط على المبايض
وهي اللي تسبب لخبطه الهرمونات ومع الوقت ممكن يصير تكيس للمبايض ويصير عندها عقم
فالحل النهائي إنها إتسوي رجيم ورياضه وتروح المشكله وكان الله غفورا رحيما
بس عاد الهيازة وماتسوي إختي ريجيمها يومين وترد تاكل ماللذ وطاب وطاف لكلام الدكتورة !!!
الله يعين
بالتوفيق حبوبه ^^
للعلم انا ضعيفة وااااااااااااااااايد واعاني من تكيسات المبيض …
الحمدلله يوم انه علاج الشعر ما اعتمد عالليزر ،، ان شاء الله بتعالج عشان الهرمونات وعسى خير يا رب
وهالمستحضر قالت لي اقدر استخدمه كـ فاونديشن قبل الميكب …
تسلمون ما قصرتوا وان شاء الله اللي عندها اي اضافة تحطها عسب نستفيد
لكم مني كل الشكر