شخباركم اخواتي العضوات والمشرفات
من يومين حطيت لكم موضوع عن بياض بالبيت واليوم بحط لكم اكثر من طريقه وانتوا جربوا عاد اللي يناسبكم وترومون عليه
الطريقه الاولى.. وهي طريقه مزيونه وشقره .. وهي خلطه الصابون ..
شي ناس يبيعونها وشي ناس يرومون يسوونها بروحهم.. فانتوا وراحتكم
فبكتب لكم طريقتها باختصار
المقادير..
صابون كركم وصابون بابايا وصابون غار وصابونه السحريه وكركم للجسم وماء ورد ونشا وسفيد اب وملح خشن
هذي طريقه الخلطه باختصار واذا حبيتوا التفصيل اسالوا وان شاء الله ماردكم
وطريقه استخدامها ..
1.صابونه غار + ليفه بدي شوي مثل القفاز
2.مقشر المشمش+ ليفه مغربي
3.خلطه الصابون توضع لفتره ع الجسم وتركيز ع الاماكن السمراء
4 . لوشن جونسون حليب الشوفان او لوشن ماجيك
والنتيجه..
واااااالله نظافه ونعومه وبياض وتفتيح خطير للاماكن السمرا وجربتها شخصيا وصارت الاماكن السمرا مثل الكوع والرقبه والركبه والباط لونهن فاتح وايد بني فاتح وربي يشهد علي
الطريقه الثانيه .. بعد طريقه مزيونه وشقره فديتها..
عاد هذي لازم تاخذين هالاغراض..
1.صابون غار
2. صابون بابايا بو قطع
3. مقشر مشمش
4. كريم العروسه
5.صابون مغربي
6.كريم مرطب او جليسويد
الطريقه..
تتليفين بصابونه غارعادي وعقب صابونه بابايا تحطينها ع جسمج شوي مثل الرغوه وعقبها سنفره مشمش وتتفركين بها بليفه مغربي وعقب تغسلين جسمج
وتحطين كريم العروسه لمده 4 او 5 دقايق واخر شي تتسبحين عادي بصابونه مغربي
واللي مايحب ريحه صابون مغربي يقدر عقبها يستخدم جل شاور
واخر شي عاد بعد ماتتنشفين تحطين طبقه ع الركب والاكواع والباط والرقبه واي مكان تبينه كريم جليسويداو اي مرطب
والنتيجه…
روعه بعدددد بياض ونظافه ونضاره وريحه حلوه
الطريقه الثالثه.. .. هذي طريقه خبيره الاعشاب منى الجميع معروفه بالكويت..
.. تخلطين 3ملاعق حناء +3 ملاعق كركم جسم و+3ملاعق سدر +3 ملاعق سكروماي ورد وعصير ليمونتين اخلطيهم ويا بعض
الطريقه..
وحطيهم ع جسمج لين ينشف وعقب سيري وتغسلي وشوفي النتيجه كيف
النتيجه ..
هي تقول بياض وتوحيد لون البشره والله اعلم لاني بعدني ماجربتها .. بجربها واخبركم بس البنات اللي سووها وايد يمدحون الخلطه
والطريقه الرابعه .. طريقه مزيونه وشقره .. احبها فالله هالبنت الله يسعدها..وهي موجوده بهالرابط
https://uaewomen.net/showthread.php?p…22#post3403722
للعلم فديتكم..
انا جربت طريقه اولى والثانيه والرابعه بس وبكل امانه نتيجه قسم بالله روووعه وبياض حلو وطبيعي ولون جسمي صار كله تقريبا نفس اللون بس باقي لي شوي واوصل اللون متكامل وع فكره صار لي شهر ونص بس استخدم هالطريقه يعني طولوا بالكم شوي عسب توصلون للجمال الحلو الطبيعي
بنات ترا هالخلطات للجسم مو للويهه انتبهوا لانها حاره ع البشره
والسموحه فديتكم .. وان شاء الله تفيدكم هالطرق كلها او بعضها
ولاتنسوني بالدعاء.. وحاضره لاي استفسار
واعيباااااااااااااااااااااااااه ماهقيتكم جيه
وان شاء الله بنجرب